ਮੋਢੇ ਦੀ ਸੱਟ ਕਾਰਨ IPL ਤੋਂ ਬਾਹਰ ਹੋਇਆ ਲਖਨਊ ਸੁਪਰ ਜਾਇੰਟਸ ਦਾ ਤੇਜ਼ ਗੇਂਦਬਾਜ਼ ਜੈਦੇਵ ਉਨਾਦਕਟ
May 4, 2023
ਲਖਨਊ – ਲਖਨਊ ਸੁਪਰ ਜਾਇੰਟਸ ਦੇ ਤੇਜ਼ ਗੇਂਦਬਾਜ਼ ਜੈਦੇਵ ਉਨਾਦਕਟ ਖੱਬੇ ਮੋਢੇ ਦੀ ਸੱਟ ਕਾਰਨ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) 2023 ਦੇ ਆਗਾਮੀ ਮੈਚਾਂ ਤੋਂ ਬਾਹਰ ਹੋ ਗਏ ਹਨ। ਇੱਕ ਰਿਪੋਰਟ ਅਨੁਸਾਰ, ਸੁਪਰਜਾਇੰਟਸ ਨੇ ਬੀ.ਸੀ.ਸੀ.ਆਈ. ਦੀ ਮੈਡੀਕਲ ਟੀਮ ਨਾਲ ਸਲਾਹ ਕਰਨ ਤੋਂ ਬਾਅਦ ਉਨਾਦਕਟ ਨੂੰ ਰਿਲੀਜ਼ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਐਤਵਾਰ ਨੂੰ ਨੈੱਟ ‘ਚ ਅਭਿਆਸ ਸੈਸ਼ਨ ਦੌਰਾਨ ਉਨਾਦਕਟ ਦੇ ਮੋਢੇ ‘ਤੇ ਸੱਟ ਲੱਗ ਗਈ ਸੀ, ਜਦੋਂ ਉਹ ਨੈੱਟ ਨੂੰ ਉਪਰ ਰੱਖਣ ਵਾਲੀ ਰੱਸੀ ‘ਚ ਪੈਰ ਫਸਣ ਕਾਰਨ ਡਿੱਗ ਗਿਆ ਸੀ।
ਉਨਾਦਕਟ ਦੇ 7 ਜੂਨ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂ.ਟੀ.ਸੀ.) ਫਾਈਨਲ ਤੋਂ ਪਹਿਲਾਂ ਫਿੱਟ ਹੋਣ ਦੀ ਉਮੀਦ ਹੈ, ਜਿੱਥੇ ਭਾਰਤ ਦਾ ਸਾਹਮਣਾ ਆਸਟਰੇਲੀਆ ਨਾਲ ਹੋਵੇਗਾ। ਰਿਪੋਰਟਾਂ ਦੇ ਅਨੁਸਾਰ, ਉਨਾਦਕਟ ਡਬਲਯੂ.ਟੀ.ਸੀ. ਫਾਈਨਲ ਤੋਂ ਪਹਿਲਾਂ ਫਿੱਟ ਹੋਣ ਲਈ ਮੁੰਬਈ ਵਿੱਚ ਮੋਢੇ ਦੀ ਜਾਂਚ ਕਰਾਏਗਾ, ਜਿਸ ਤੋਂ ਬਾਅਦ ਉਹ ਰੀਹੈਬ ਪ੍ਰਕਿਰਿਆ ਵਿਚੋਂ ਲੰਘਣ ਲਈ ਬੈਂਗਲੁਰੂ ਦੀ ਨੈਸ਼ਨਲ ਕ੍ਰਿਕਟ ਅਕੈਡਮੀ ਲਈ ਰਵਾਨਾ ਹੋਵੇਗਾ।
ਰੋਹਿਤ ਸ਼ਰਮਾ ਨੂੰ ਮਿਲ ਸਕਦੈ ਬ੍ਰੇਕ, ਸੂਰਿਆਕੁਮਾਰ ਹੋਣਗੇ ਮੁੰਬਈ ਇੰਡੀਅਨਜ਼ ਦੇ ਨਵੇਂ ਕਪਤਾਨ
ਮਹਿੰਗੀਆਂ ਕਾਰਾਂ ਦੇ ਸ਼ੌਕੀਨ ਨੇ ਸਾਬਕਾ ਕ੍ਰਿਕਟਰ ਯੁਵਰਾਜ ਸਿੰਘ, ਦੇਖੋ ਉਨ੍ਹਾਂ ਦੀਆਂ ਸ਼ਾਨਦਾਰ ਕਾਰਾਂ ਦਾ ਕੁਲੈਕਸ਼ਨ
