ਪ੍ਰਦਰਸ਼ਨਕਾਰੀਆਂ ਵੱਲੋਂ ਚਲਦੀ ਵੰਦੇ ਭਾਰਤ ਐਕਸਪ੍ਰੈੱਸ ‘ਤੇ ਕੀਤਾ ਗਿਆ ਪਥਰਾਅ
May 2, 2023
![](http://mehakewattan.com/wp-content/uploads/2023/05/2023_5image_02_12_134592353121-ll.jpg)
ਮਲਪੁੱਰਮ : ਕੇਰਲ ਵਿਚ ਅਣਪਛਾਤੇ ਬਦਮਾਸ਼ਾਂ ਨੇ ਹਾਲ ਹੀ ਵਿਚ ਸ਼ੁਰੂ ਕੀਤੀ ਗਈ ਵੰਦੇ ਭਾਰਤ ਐਕਸਪ੍ਰੈੱਸ ‘ਤੇਸੋਮਵਾਰ ਨੂੰ ਕਥਿਤ ਤੌਰ ਤੇ ਪਥਰਾਅ ਕਰ ਦਿੱਤਾ। ਰੇਲਵੇ ਦੇ ਅਧਿਕਾਰੀਆਂ ਨੇ ਇਸ ਦੀ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਘਟਨਾ ਸ਼ਾਮ 5 ਵਜੇ ਦੇ ਕਰੀਬ ਵਾਪਰੀ ਜਦ ਰੇਲ ਉੱਤਰੀ ਕੇਰਲ ਸਥਿਤ ਇਸ ਜ਼ਿਲ੍ਹੇ ਦੇ ਥਿਰੁਨਵਾਇਆ ਤੇ ਤਿਰੂਰ ਵਿਚਾਲਿਓਂ ਗੁਜ਼ਰ ਰਹੀ ਸੀ।
ਪੁਲਸ ਨੇ ਕਿਹਾ ਕਿ ਟਰੇਨ ਨੇ ਤਿਰੁਵਨੰਤਪੁਰਮ ਦੀ ਆਪਣੀ ਯਾਤਰਾ ਜਾਰੀ ਰੱਖੀ ਤੇ ਇਸ ਹਮਲੇ ਵਿਚ ਕਿਸੇ ਨੂੰ ਸੱਟ ਨਹੀਂ ਲੱਗੀ। ਪੁਲਸ ਨੇ ਪੀ.ਟੀ.ਆਈ. ਭਾਸ਼ਾ ਨੂੰ ਕਿਹਾ, “ਸਾਨੂੰ ਰੇਲਵੇ ਅਧਿਕਾਰੀਆਂ ਨੇ ਚੌਕੰਨੇ ਕੀਤਾ ਸੀ। ਬਦਮਾਸ਼ਾਂ ਦਾ ਪਤਾ ਲਗਾਉਣ ਲਈ ਜਾਂਚ ਜਾਰੀ ਹੈ।” ਮੁੱਢਲੀ ਰਿਪੋਰਟ ਮੁਤਾਬਕ ਪਥਰਾਅ ਨਾਲ ਟਰੇਨ ਦੀਆਂ ਕੁੱਝ ਬਾਰੀਆਂ ‘ਤੇ ਮਾਮੂਲੀ ਝਰੀਟਾਂ ਆਈਆਂ ਹਨ।