ਫ਼ਿਲਮ ਸਟੂਡੀਓ ਨੂੰ ਲੱਗੀ ਅੱਗ, ਜਾਨੀ ਨੁਕਸਾਨ ਤੋਂ ਬਚਾਅ
March 20, 2023
![](http://mehakewattan.com/wp-content/uploads/2023/03/2023_3image_17_31_343940827fire-ll-1.jpg)
ਕੋਲਕਾਤਾ – ਕੋਲਕਾਤਾ ਦੇ ਟਾਲੀਗੰਜ ਇਲਾਕੇ ’ਚ ਸਥਿਤ ਇਕ ਫ਼ਿਲਮ ਸਟੂਡੀਓ ’ਚ ਐਤਵਾਰ ਸਵੇਰੇ ਅੱਗ ਲੱਗ ਗਈ। ਫਾਇਰ ਵਿਭਾਗ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਅੱਗ ਸਵੇਰੇ 6 ਵਜੇ ਦੇ ਕਰੀਬ ਲੱਗੀ। ਅੱਗ ਬੁਝਾਉਣ ਲਈ ਤਿੰਨ ਫਾਇਰ ਟੈਂਡਰ ਐੱਨ. ਟੀ. ਵਨ ਸਟੂਡੀਓ ਭੇਜੇ ਗਏ। ਸਟੂਡੀਓ ਦੇ ਅਹਾਤੇ ’ਚ ਸਥਿਤ ਇਕ ਗੋਦਾਮ ’ਚ ਇਹ ਅੱਗ ਦੇਖੀ ਗਈ।
ਅੱਗ ਸ਼ੂਟਿੰਗ ਫਲੋਰ ਤੱਕ ਨਹੀਂ ਫੈਲੀ। ਘਟਨਾ ਸਮੇਂ ਗੋਦਾਮ ’ਚ ਕੋਈ ਨਹੀਂ ਸੀ। ਤਿੰਨ ਘੰਟਿਆਂ ’ਚ ਅੱਗ ’ਤੇ ਕਾਬੂ ਪਾ ਲਿਆ ਗਿਆ। ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਸੂਚਨਾ ਨਹੀਂ ਮਿਲੀ ਹੈ। ਅੱਗ ਲੱਗਣ ਦੇ ਕਾਰਨ ਦੀ ਜਾਂਚ ਕੀਤੀ ਜਾ ਰਹੀ ਹੈ।