‘ਗਦਰ 2’ ਲਈ ਸੰਨੀ ਦਿਓਲ ਤੇ ਅਮੀਸ਼ਾ ਪਟੇਲ ਨੇ ਚਾਰਜ ਕੀਤੀ ਮੋਟੀ ਰਕਮ
![](http://mehakewattan.com/wp-content/uploads/2023/03/2023_3image_17_15_252048288gadar2-ll.jpg)
ਮੁੰਬਈ – ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਤੇ ਅਮੀਸ਼ਾ ਪਟੇਲ ਦੀ ਫ਼ਿਲਮ ਦਾ ਪ੍ਰਸ਼ੰਸਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ‘ਗਦਰ 2’ ਸਿਨੇਮਾਘਰਾਂ ’ਚ 11 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਅਨਿਲ ਸ਼ਰਮਾ ਨੇ ਭਾਗ 2 ’ਚ ਕਈ ਟਵਿਸਟ ਪਾਏ ਹਨ, ਜਿਨ੍ਹਾਂ ’ਚ ਇਸ ਵਾਰ ਤਾਰਾ ਸਿੰਘ ਸਕੀਨਾ ਲਈ ਨਹੀਂ, ਸਗੋਂ ਪੁੱਤਰ ਜੀਤੇ ਲਈ ਪਾਕਿਸਤਾਨ ਜਾਵੇਗਾ।
ਫ਼ਿਲਮ ਦੇ ਸੈੱਟ ਤੋਂ ਆਏ ਦਿਨ ਕਈ ਤਸਵੀਰਾਂ ਤੇ ਵੀਡੀਓਜ਼ ਲੀਕ ਹੁੰਦੀਆਂ ਹਨ, ਜੋ ਦਰਸ਼ਕਾਂ ਦੇ ਉਤਸ਼ਾਹ ਨੂੰ ਵਧਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਫ਼ਿਲਮ ਲਈ ਸਿਤਾਰਿਆਂ ਵਲੋਂ ਚਾਰਜ ਕੀਤੀ ਫੀਸ ਦੀ ਜਾਣਕਾਰੀ ਵੀ ਸਾਹਮਣੇ ਆਈ ਹੈ।
ਮੀਡੀਆ ਰਿਪੋਰਟ ਦੀ ਮੰਨੀਏ ਤਾਂ ਤਾਰਾ ਸਿੰਘ ਬਣਨ ਲਈ ਸੰਨੀ ਦਿਓਲ ਨੇ ਲਗਭਗ 5 ਕਰੋੜ ਰੁਪਏ ਚਾਰਜ ਕੀਤੇ ਹਨ। ਉਥੇ ਅਮੀਸ਼ਾ ਪਟੇਲ ਨੇ ਫ਼ਿਲਮ ਲਈ 2 ਕਰੋੜ ਰੁਪਏ ਫੀਸ ਲਈ ਹੈ। ਉਤਕਰਸ਼ ਸ਼ਰਮਾ ਨੇ ਫ਼ਿਲਮ ਲਈ 1 ਕਰੋੜ ਰੁਪਏ ਲਏ ਹਨ। ਸਿਮਰਨ ਕੌਰ, ਜੋ ਫ਼ਿਲਮ ’ਚ ਜੀਤੇ ਦੀ ਪਤਨੀ ਦੀ ਭੂਮਿਕਾ ’ਚ ਹੈ, ਨੇ ਫ਼ਿਲਮ ਲਈ 80 ਲੱਖ ਰੁਪਏ ਲਏ ਹਨ। ਲਵ ਸਿਨ੍ਹਾ ਦੀ ਵੀ ਫ਼ਿਲਮ ’ਚ ਐਂਟਰੀ ਹੋਈ ਹੈ, ਜਿਨ੍ਹਾਂ ਨੇ ਫ਼ਿਲਮ ਲਈ 60 ਲੱਖ ਰੁਪਏ ਲਏ ਹਨ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)