‘ਬਿੱਗ ਬੌਸ 16’ ਦੀ ਟਰਾਫੀ ਜਿੱਤਣ ਤੋਂ ਬਾਅਦ ਹੁਣ MC ਸਟੈਨ ਲਾਵੇਗਾ ਕਪਿਲ ਦੇ ਸ਼ੋਅ ‘ਚ ਰੋਣਕਾਂ

ਮੁੰਬਈ: ਰਿਐਲਿਟੀ ਟੀ. ਵੀ. ਸ਼ੋਅ ‘ਬਿੱਗ ਬੌਸ 16’ ਦਾ ਜੇਤੂ ਐੱਮ. ਸੀ. ਸਟੈਨ ਬਹੁਤ ਜਲਦ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ‘ਦਿ ਕਪਿਲ ਸ਼ਰਮਾ ਸ਼ੋਅ’ ‘ਚ ਨਜ਼ਰ ਆਵੇਗਾ। ਇਸ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਹੈ, ਜਿਸ ‘ਚ ਸਟੈਨ ਅਤੇ ਕਪਿਲ ਮਸਤੀ ਦੇ ਮੂਡ ‘ਚ ਨਜ਼ਰ ਆ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ‘ਦਿ ਕਪਿਲ ਸ਼ਰਮਾ ਸ਼ੋਅ’ ‘ਚ ਸਟੈਨ ਮਹਿਮਾਨ ਵਜੋਂ ਨਜ਼ਰ ਆਵੇਗਾ। ਸ਼ੋਅ ‘ਚ ਉਹ ਆਪਣਾ ਰੈਪ ਗੀਤ ਗਾ ਕੇ ਧਮਾਲ ਮਚਾਵੇਗਾ। ਇਸ ਦੀ ਇਕ ਵੀਡੀਓ ਕਪਿਲ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਹੈ, ਜਿਸ ‘ਚ ਸਟੈਨ ਨੂੰ ਰੈਪ ਗੀਤ ਗਾਉਂਦੇ ਦੇਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਸਟੈਨ ਰੈੱਡ ਲੁੱਕ ‘ਚ ਨਜ਼ਰ ਆਇਆ। 

ਕਪਿਲ ਅਤੇ ਸਟੈਨ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਇਸ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਉਸ ਦੇ ਇਸ ਐਪੀਸੋਡ ਨੂੰ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਕਪਿਲ ਨੇ ਵੀ ਸਟੈਨ ਦੇ ਵਾਇਬ ਨਾਲ ਮੇਲ ਖਾਂਦੇ ਕੈਪਸ਼ਨ ‘ਚ ਲਿਖਿਆ, ”ਕਯਾ ਬੋਲਤੀ ਪਬਲਿਕ? ਕੀ ਇਹ Vibe ਹੈ ਜਾਂ ਨਹੀਂ? ਲਵ ਯੂ ਬ੍ਰੋ।” 

ਦੱਸਣਯੋਗ ਹੈ ਕਿ ਰੈਪ ਨਾਲ ਦੁਨੀਆ ਨੂੰ ਦੀਵਾਨਾ ਬਣਾਉਣ ਵਾਲੇ ਐੱਮ. ਸੀ. ਸਟੈਨ ਨੇ ‘ਬਿੱਗ ਬੌਸ 16’ ਦੀ ਟਰਾਫੀ ਜਿੱਤਣ ਤੋਂ ਬਾਅਦ ਹੋਰ ਵੀ ਪ੍ਰਸਿੱਧੀ ਹਾਸਲ ਕੀਤੀ ਹੈ। ਉਨ੍ਹਾਂ ਦੀ ਫੈਨ ਫਾਲੋਇੰਗ ਵੀ ਕਾਫੀ ਜ਼ਬਰਦਸਤ ਹੈ। ਪ੍ਰਸਿੱਧੀ ਜਦੇ ਮਾਮਲੇ ‘ਚ ਸਟੈਨ ਨੇ ਸ਼ਾਹਰੁਖ ਖ਼ਾਨ ਤੋਂ ਲੈ ਕੇ ਵਿਰਾਟ ਕੋਹਲੀ ਤੱਕ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸੋਸ਼ਲ ਮੀਡੀਆ ‘ਤੇ ਵੀ ਸਟੈਨ ਟਰੈਂਡ ਕਰ ਰਿਹਾ ਹੈ। 23 ਸਾਲ ਦੀ ਉਮਰ ‘ਚ ਸਟੇਨ ਨੇ ਕਾਫ਼ੀ ਨਾਮ ਕਮਾਇਆ ਹੈ।