ਬ੍ਰਿਟੇਨ ਦੀ ਖੁਫ਼ੀਆ ਏਜੰਸੀਆਂ ‘ਤੇ ਬ੍ਰਿਟਿਸ਼ ਸਿੱਖ ਦੋਸ਼ੀ ਦੀ ਸੂਚਨਾ ਭਾਰਤ ਨੂੰ ਦੇਣ ਦਾ ਦੋਸ਼

ਲੰਡਨ-ਬ੍ਰਿਟੇਨ ਦੀ ਖੁਫੀਆ ਏਜੰਸੀਆਂ ‘ਤੇ ਇਕ ਬ੍ਰਿਟਿਸ਼ ਸਿੱਖ ਵਿਅਕਤੀ ਦੀ ਜਾਣਕਾਰੀ ਭਾਰਤੀ ਅਧਿਕਾਰੀਆਂ ਨੂੰ ਦੇਣ ਦਾ ਦੋਸ਼ ਲੱਗਿਆ ਹੈ ਜੋ ਹੁਣ ਅੱਤਵਾਦ ਅਤੇ ਕਤਲ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ਾਂ ‘ਚ ਭਾਰਤੀ ਜੇਲ੍ਹ ‘ਚ ਬੰਦ ਹਨ। ਸਕਾਟਲੈਂਡ ਦੇ ਡੰਬਰਟਨ ‘ਚ ਰਹਿਣ ਵਾਲੇ ਬ੍ਰਿਟਿਸ਼ ਨਾਗਰਿਕ 35 ਸਾਲਾ ਜਗਤਾਰ ਸਿੰਘ ਜੋਹਾਲ ਵਿਆਹ ਕਰਵਾਉਣ ਸਾਲ 2017 ‘ਚ ਪੰਜਾਬ ਗਿਆ ਸੀ। ਉਸ ਦੇ ਪਰਿਵਾਰ ਦਾ ਦੋਸ਼ ਹੈ ਕਿ ਉਸ ਨੂੰ ਤਸ਼ੱਦਦ ਦਿੱਤੀ ਜਾ ਰਹੀ ਹੈ ਅਤੇ ਮਾੜਾ ਵਿਵਹਾਰ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ, ਭਾਰਤੀ ਅਧਿਕਾਰੀਆਂ ਨੇ ਤਸ਼ੱਦਦ ਦੇਣ ਦੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ ਅਤੇ ਇਸ ਰੁਖ਼ ‘ਤੇ ਕਾਇਮ ਹੈ ਕਿ ਜੋਹਾਲ ਨੂੰ ‘ਗੰਭੀਰ ਦੋਸ਼ਾਂ’ ‘ਚ ਅਦਾਲਤ ‘ਚ ਸੁਣਵਾਈ ਲਈ ਗ੍ਰਿਫਤਾਰ ਕੀਤਾ ਗਿਆ ਹੈ।

ਬ੍ਰਿਟੇਨ ਤੋਂ ਸੰਚਾਲਿਤ ਗੈਰ ਸਰਕਾਰੀ ਸੰਗਠਨ (ਐੱਨ.ਜੀ.ਓ.) ਰਿਪ੍ਰੀਵ ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ ਜੋਹਾਲ ਦੇ ਕਾਨੂੰਨ ਦਾਅਵੇ ਦਾ ਸਮਰਥਨ ਕਰਦਾ ਹੈ ਕਿ ਐੱਮ.ਆਈ.-5 ਅਤੇ ਐੱਸ.ਆਈ.-6 ਨੇ ਭਾਰਤੀ ਅਧਿਕਾਰੀਆਂ ਤੋਂ ਖੁਫੀਆ ਜਾਣਕਾਰੀ ਸਾਂਝਾ ਕਰ ਉਸ ਦੇ ‘ਹਿਰਾਸਤ ਅਤੇ ਤਸੀਹੇ’ ‘ਚ ਯੋਗਦਾਨ ਪਾਇਆ ਹੈ। ਰਿਪ੍ਰੀਵ ਨੇ ਇਸ ਸਬੰਧ ‘ਚ ਸ਼ੁਰੂ ਕੀਤੀ ਗਈ ਆਨਲਾਈਨ ਪਟੀਸ਼ਨ ‘ਚ ਕਿਹਾ ਕਿ ਸਾਡੇ ਜਾਂਚਕਰਤਾਵਾਂ ਨੇ ਅਹਿਮ ਜਾਣਕਾਰੀ ਪ੍ਰਾਪਤ ਕੀਤੀ ਹੈ ਕਿ ਸਾਲ 2017 ‘ਚ ਬ੍ਰਿਟਿਸ਼ ਸਰਕਾਰ ਨੇ ਸੰਭਾਵਿਤ : ਐੱਮ.ਆਈ.-5 ਅਤੇ ਐੱਮ.ਆਈ.-6 ਬ੍ਰਿਟਿਸ਼ ਨਾਗਰਿਕ ਜਗਤਾਰ ਸਿੰਘ ਜੋਹਾਲ ਦੀ ਜਾਣਕਾਰੀ ਭਾਰਤੀ ਅਧਿਕਾਰੀਆਂ ਨਾਲ ਸਾਂਝਾ ਕਰਨ ਲਈ ਅਧਿਕਾਰਤ ਕੀਤਾ ਸੀ। ਐੱਨ.ਜੀ.ਓ. ਇਸ ਪਟੀਸ਼ਨ ‘ਤੇ 10 ਹਜ਼ਾਰ ਦਸਤਖਤ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।