ਨਾਗਾਲੈਂਡ ਦੇ 2 ਪਿੰਡਾਂ ਨੇ ਵੋਟ ਬਦਲੇ ਰਿਸ਼ਵਤ ਨਾ ਲੈਣ ਦਾ ਲਿਆ ਸੰਕਲਪ

ਕੋਹਿਮਾ : ਆਜ਼ਾਦ ਅਤੇ ਨਿਰਪੱਖ ਚੋਣਾਂ ਨੂੰ ਉਤਸ਼ਾਹਿਤ ਕਰਨ ਲਈ ਨਾਗਾਲੈਂਡ ਦੇ 2 ਪਿੰਡਾਂ- ਨਿਊਲੈਂਡ ਜ਼ਿਲ੍ਹੇ ਦੇ ਨਿਹੋਖੁ ਪਿੰਡ ਅਤੇ ਕੋਹਿਮਾ ਜ਼ਿਲ੍ਹੇ ਅਧੀਨ ਆਉਂਦੇ ਥਿਜ਼ਮਾ ਪਿੰਡ ਨੇ ਇਕ ਮਤਾ ਪਾਸ ਕੀਤਾ ਹੈ ਕਿ ਲੋਕ ਵੋਟਾਂ ਦੇ ਬਦਲੇ ਰਿਸ਼ਵਤਖੋਰੀ ‘ਚ ਸ਼ਾਮਲ ਨਹੀਂ ਹੋਣਗੇ। ਵਿਧਾਨ ਸਭਾ ਚੋਣਾਂ ਨਾਗਾਲੈਂਡ ’ਚ ਇਸ ਸਾਲ 27 ਫਰਵਰੀ ਨੂੰ ਹੋਣੀਆਂ ਹਨ।

ਮੁੱਖ ਚੋਣ ਅਧਿਕਾਰੀ ਸ਼ਸ਼ਾਂਕ ਸ਼ੇਖਰ ਨੇ ਕਿਹਾ, “ਸਰਬਸੰਮਤੀ ਨਾਲ ਪਿੰਡ ਦੇ ਅਧਿਕਾਰ ਖੇਤਰ ਵਿੱਚ ਹਰ ਕਿਸਮ ਦੇ ਉਮੀਦਵਾਰ-ਸਥਾਪਿਤ ਪਾਰਟੀ ਕੈਂਪਾਂ ਦੇ ਨਾਲ-ਨਾਲ ਸ਼ਰਾਬ ਪੀਣ ‘ਤੇ ਪਾਬੰਦੀ ਲਗਾਉਣ ਪਿੰਡ ਵਿੱਚ ਸਾਫ਼-ਸੁਥਰੀ ਚੋਣ ਨੂੰ ਬਣਾਈ ਰੱਖਣ ਦਾ ਸੰਕਲਪ ਲਿਆ ਗਿਆ।”