ਤਲਾਕ ਤੋਂ ਬਾਅਦ ਮੁੜ ਇਕੱਠੇ ਹੋਏ ਆਮਿਰ ਤੇ ਕਿਰਨ, ਹਿੰਦੂ ਰੀਤ-ਰਿਵਾਜ ਨਾਲ ਪੂਜਾ ਕਰ ਸਥਾਪਿਤ ਕੀਤਾ ਕਲਸ਼

ਮੁੰਬਈ : ਬਾਲੀਵੁੱਡ ਦੇ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖ਼ਾਨ ਅਤੇ ਉਨ੍ਹਾਂ ਦੀ ਸਾਬਕਾ ਪਤਨੀ ਕਿਰਨ ਰਾਓ ਇਕ ਵਾਰ ਮੁੜ ਸੁਰਖੀਆਂ ‘ਚ ਆ ਗਏ ਹਨ। ਇਸ ਵਾਰ ਇਹ ਦੋਵੇਂ ਤਲਾਕ ਕਾਰਨ ਨਹੀਂ ਸਗੋਂ ਪੂਜਾ ਕਾਰਨ ਸੁਰਖੀਆਂ ਬਟੋਰ ਰਹੇ ਹਨ। ਦਰਅਸਲ, ਆਮਿਰ ਖ਼ਾਨ ਤੇ ਕਿਰਨ ਰਾਏ ਨੇ ਹਾਲ ਹੀ ‘ਚ ‘ਆਮਿਰ ਖ਼ਾਨ ਪ੍ਰੋਡਕਸ਼ਨ’ ਦੇ ਦਫ਼ਤਰ ‘ਚ ਹਿੰਦੂ ਰੀਤੀ ਰਿਵਾਜਾਂ ਅਨੁਸਾਰ ਪੂਜਾ ਕੀਤੀ।

ਆਮਿਰ ਨੇ ਪੂਜਾ ਦੀਆਂ ਸਾਰੀਆਂ ਰਸਮਾਂ ਨਿਭਾਈਆਂ ਅਤੇ ਕਿਰਨ ਰਾਓ ਨੇ ਵੀ ਆਰਤੀ ਵਿਚ ਹਿੱਸਾ ਲਿਆ। ਇਸ ਦੌਰਾਨ ਆਮਿਰ ਅਤੇ ਕਿਰਨ ਦੋਵਾਂ ਨੇ ਇਕੱਠੇ ਆਰਤੀ ਕੀਤੀ। ‘ਲਾਲ ਸਿੰਘ ਚੱਢਾ’ ਦੇ ਨਿਰਦੇਸ਼ਕ ਅਦਵੈਤ ਚੰਦਨ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਪੂਜਾ ਵਿਚ ਹਿੱਸਾ ਲੈਣ ਵਾਲੇ ਹੋਰ ਸਟਾਫ਼ ਮੈਂਬਰਾਂ ਦੀਆਂ ਕਈ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।

ਪੂਜਾ ਦੌਰਾਨ ਸਥਾਪਿਤ ਕੀਤਾ ਗਿਆ ਕਲਸ਼
ਦੱਸ ਦਈਏ ਕਿ ਦਫ਼ਤਰ ‘ਚ ਪੂਜਾ ਦੌਰਾਨ ਆਮਿਰ ਖ਼ਾਨ ਨੇ ਸਵੈਟ-ਸ਼ਰਟ ਅਤੇ ਡੈਨਿਮ ਪਹਿਨੀ ਸੀ ਅਤੇ ਨਾਲ ਹੀ ਨਹਿਰੂ ਕੈਪ ਵੀ ਪਹਿਨੀ ਹੋਈ ਸੀ। ਉਨ੍ਹਾਂ ਨੇ ਆਪਣੇ ਗਲੇ ‘ਚ ਇੱਕ ਗਮਛਾ ਵੀ ਪਾਇਆ ਹੋਇਆ ਸੀ। ਉਨ੍ਹਾਂ ਨੇ ਪੂਜਾ ਦੌਰਾਨ ਇੱਕ ਕਲਸ਼ ਸਥਾਪਿਤ ਕੀਤਾ ਸੀ। ਇਸ ਦੌਰਾਨ ਉਨ੍ਹਾਂ ਦੇ ਦਫ਼ਤਰ ਨੂੰ ਰੰਗ-ਬਿਰੰਗੇ ਗੁਬਾਰਿਆਂ ਨਾਲ ਸਜਾਇਆ ਗਿਆ। ਹਾਲਾਂਕਿ ਪੂਜਾ ਕਿਉਂ ਕੀਤੀ ਗਈ ਸੀ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।

ਇਕੱਠੇ ਖੜ੍ਹੇ ਹੋ ਕੇ ਕੀਤੀ ਆਰਤੀ
ਅਦਵੈਤ ਨੇ ਆਮਿਰ ਅਤੇ ਕਿਰਨ ਦੀਆਂ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ‘ਚ ਦੋਵੇਂ ਇਕ-ਦੂਜੇ ਕੋਲ ਖੜ੍ਹੇ ਆਰਤੀ ਕਰਦੇ ਨਜ਼ਰ ਆ ਰਹੇ ਹਨ। ਉਸ ਨੇ ਪੂਜਾ ਦੀ ਥਾਲੀ ਫੜੀ ਹੋਈ ਹੈ ਅਤੇ ਪ੍ਰਾਰਥਨਾ ਲਈ ਹੱਥ ਜੋੜਦੀ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਕਿਰਨ ਰਾਓ ਵੀ ਲੰਬੀ ਡੈਨਿਮ ਸ਼ਰਟ ਅਤੇ ਲੈਗਿੰਗਸ ‘ਚ ਨਜ਼ਰ ਆ ਰਹੀ ਹੈ।

ਪਿਛਲੇ ਸਾਲ ਦੋਵਾਂ ਨੇ ਲਿਆ ਸੀ ਤਲਾਕ 
ਦੱਸਣਯੋਗ ਹੈ ਕਿ ਆਮਿਰ ਅਤੇ ਕਿਰਨ ਦਾ 15 ਸਾਲ ਪੁਰਾਣਾ ਵਿਆਹ ਪਿਛਲੇ ਸਾਲ ਟੁੱਟ ਗਿਆ ਸੀ। ਉਹ ਆਪਣੇ 11 ਸਾਲ ਦੇ ਬੇਟੇ ਆਜ਼ਾਦ ਰਾਓ ਖ਼ਾਨ ਦੇ ਸਹਿ-ਮਾਪੇ ਬਣੇ ਹੋਏ ਹਨ।

ਤਲਾਕ ਤੋਂ ਬਾਅਦ ਵੀ ਉਹ ਫ਼ਿਲਮ ਪਾਰਟੀਆਂ, ਏਅਰਪੋਰਟ ਜਾਂ ਕਈ ਈਵੈਂਟਸ ਦੌਰਾਨ ਇਕੱਠੇ ਨਜ਼ਰ ਆਉਂਦੇ ਹਨ।