ਹਾਂਗਕਾਂਗ ‘ਚ ਦਮਨਕਾਰੀ ਕਾਰਵਾਈ ਦਰਮਿਆਨ ਸਿਆਸੀ ਕਾਰਕੁਨਾਂ ਨੇ ਆਪਣਾ ਅਪਰਾਧ ਕੀਤਾ ਸਵੀਕਾਰ
![](http://mehakewattan.com/wp-content/uploads/2022/08/2022_8image_19_58_406197280a-ll.jpg)
ਹਾਂਗਕਾਂਗ-ਹਾਂਗਕਾਂਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਤਹਿਤ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ 47 ਲੋਕਤੰਤਰ ਸਮਰਥਕ ਕਾਰਕੁਨਾਂ ‘ਚੋਂ 29 ਨੇ ਵੀਰਵਾਰ ਨੂੰ ਆਪਣਾ ਅਪਰਾਧ ਸਵੀਕਾਰ ਕਰ ਲਿਆ। ਅਧਿਕਾਰੀਆਂ ਦੀ ਇਹ ਟਿੱਪਣੀ ਚੀਨ ਸਰਕਾਰ ਵੱਲੋਂ ਹਾਂਗਕਾਂਗ ‘ਚ ਵਿਰੋਧੀ ਆਵਾਜ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੇ ਜਾਣ ਦਰਮਿਆਨ ਆਈ ਹੈ। ਵੀਰਵਾਰ ਦੀ ਅਦਾਲਤੀ ਕਾਰਵਾਈ ਚੀਨ ਦੀ ਸੱਤਾਧਾਰੀ ਕਮਿਊਨਿਸਟ ਪਾਰਟੀ ਦੇ ਪ੍ਰਤੀ ਪੂਰੀ ਵਫਾਦਾਰੀ ਵਿਰੁੱਧ ਆਵਾਜ਼ ਉਠਾਉਣ ਵਾਲਿਆਂ ਵਿਰੁੱਧ ਵਿਆਪਕ ਮੁਹਿੰਮ ਦਰਮਿਆਨ ਹੋਈ।
ਚੀਨ ਵੱਲੋਂ ਲਾਗੂ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਤਹਿਤ 47 ਲੋਕਤੰਤਰ ਕਾਰਕੁਨਾਂ ਵਿਰੁੱਧ ਭੰਨ-ਤੋੜ ਦੀ ਸਾਜ਼ਿਸ਼ ਦਾ ਦੋਸ਼ ਲਾਇਆ ਗਿਆ ਸ਼ੀ। ਇਨ੍ਹਾਂ ਕਾਰਕੁਨਾਂ ਨੂੰ ਪਿਛਲੇ ਸਾਲ ਦੀ ਹਿਰਾਸਤ ‘ਚ ਲਿਆ ਗਿਆ ਸੀ। ਇਨ੍ਹਾਂ ਸਾਰਿਆਂ ਦੀ ਉਮਰ 23 ਤੋਂ 64 ਸਾਲ ਦਰਮਿਆਨ ਹੈ। ਹਾਂਗਕਾਂਗ ਦੇ ਮੀਡੀਆ ਮੁਤਾਬਕ ਆਪਣਾ ਅਪਰਾਧ ਸਵੀਕਾਰ ਕਰਨ ਵਾਲੇ ਕਾਰਕੁਨਾਂ ‘ਚ ਜੋਸ਼ੁਆ ਵੋਂਗ ਅਤੇ ਬੇਨੀ ਤਾਈ ਵਰਗੇ ਪ੍ਰਸਿੱਧ ਕਾਰਕੁਨ ਸ਼ਾਮਲ ਹਨ। ਅਜਿਹੇ ਮਾਮਲਿਆ ਦੀਆਂ ਖਬਰਾਂ ਮੀਡੀਆ ‘ਚ ਪ੍ਰਕਾਸ਼ਿਤ ਕਰਨ ‘ਤੇ ਲੱਗੀ ਰੋਕ ਹਟਾ ਦਿੱਤੀ ਗਈ ਹੈ।
ਇਨ੍ਹਾਂ ਮਾਮਲਿਆਂ ਦੀ ਸੁਣਵਾਈ ਅਗਲੇ ਮਹੀਨੇ ਹਾਂਗਕਾਂਗ ਦੀ ਹਾਈ ਕੋਰਟ ‘ਚ ਸ਼ੁਰੂ ਹੋਵੇਗੀ। ਹਾਂਗਕਾਂਗ ਸਾਲ 1997 ‘ਚ ਬ੍ਰਿਟਿਸ਼ ਸ਼ਾਸਨ ਤੋਂ ਚੀਨ ਨੂੰ ਇਸ ਵਾਅਦੇ ਨਾਲ ਸੌਂਪਿਆ ਗਿਆ ਸੀ ਕਿ ਉਹ 50 ਸਾਲ ਤੱਕ ਆਪਣੀ ਕਾਨੂੰਨੀ, ਆਰਥਿਕ ਅਤੇ ਸਮਾਜਿਕ ਵਿਵਸਥਾ ਬਣਾਏ ਰੱਖੇਗਾ। 2019 ਦੇ ਲੋਕਤੰਤਰ ਸਮਰਥਕ ਅੰਦੋਲਨ ਤੋਂ ਬਾਅਦ ਹਾਂਗਕਾਂਗ ਦੇ ਕਰੀਬ 2000 ਲੋਕਾਂ ਨੂੰ ਹਿਰਾਸਤ ‘ਚ ਲਿਆ ਗਿਆ ਹੈ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)