ਭਾਰਤ ‘ਚ ਇਕ ਅਰਬ ਡਾਲਰ ਦਾ ਬ੍ਰਾਂਡ ਬਣਿਆ ‘ਸਪ੍ਰਾਈਟ’

ਨਵੀਂ ਦਿੱਲੀ- ਕੋਕਾ-ਕੋਲਾ ਦਾ ਨਿੰਬੂ ਅਤੇ ਨਿੰਬੂ ਦੇ ਸਵਾਦ ਵਾਲਾ ਸਾਫਟ ਡਰਿੰਕ ‘ਸਪ੍ਰਾਈਟ’ ਭਾਰਤੀ ਬਾਜ਼ਾਰ ‘ਚ ਇਕ ਅਰਬ ਡਾਲਰ ਦਾ ਬ੍ਰਾਂਡ ਬਣ ਗਿਆ ਹੈ। ਕੰਪਨੀ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਕੰਪਨੀ ਨੇ ਇਸ ਸਾਲ ਦੀ ਤੀਜੀ ਤਿਮਾਹੀ ਵਿੱਚ ਆਪਣੇ ਭਾਰਤ ਕਾਰੋਬਾਰ ਵਿੱਚ ਮਾਤਰਾ ਦੇ ਲਿਹਾਜ਼ ਨਾਲ ‘ਮਜ਼ਬੂਤ’ ਵਾਧਾ ਦਰਜ ਕੀਤਾ ਹੈ। ਇਸ ਦੀ ਇਸ ਸ਼ਾਨਦਾਰ ਵਾਧੇ ‘ਚ ਸਾਫਟ ਡਰਿੰਕ ਪੋਰਟਫੋਲੀਓ ਅਤੇ ਫਰੂਟ ਡਰਿੰਕ ਬ੍ਰਾਂਡ ਮਾਜ਼ਾ ਦਾ ਯੋਗਦਾਨ ਪਾਇਆ ਹੈ।
ਕੋਕਾ-ਕੋਲਾ ਕੰਪਨੀ ਦੇ ਚੇਅਰਮੈਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ.ਈ.ਓ.) ਜੇਮਜ਼ ਕੁਇੰਸੀ ਨੇ ਭਾਰਤੀ ਬਾਜ਼ਾਰ ਵਿੱਚ ਕੰਪਨੀ ਦੇ ਪ੍ਰਦਰਸ਼ਨ ਦੀ ਜਾਣਕਾਰੀ ਦਿੰਦੇ ਹੋਏ ਹੋਏ ਕਿਹਾ, “ਟ੍ਰੇਡਮਾਰਕ ਕੋਕ ਨੇ ਪ੍ਰਭਾਵਸ਼ਾਲੀ ਐਗਜ਼ੀਕਿਊਸ਼ਨ ਅਤੇ ਮੌਕਾ ਅਧਾਰਿਤ ਮਾਰਕੀਟਿੰਗ ਦੁਆਰਾ ਮਜ਼ਬੂਤ ਵਾਧਾ ਦਰਜ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਵਾਪਸੀਯੋਗ ਕੱਚ ਦੀਆਂ ਬੋਤਲਾਂ ਅਤੇ ਸਿੰਗਲ-ਸੇਵਾ ਪੀ.ਈ.ਟੀ. ਪੈਕੇਜਾਂ ਦੇ ਵਿਸਤਾਰ ਦੁਆਰਾ ਕਿਫਾਇਤੀ ਕੀਮਤ ‘ਤੇ ਭਾਰਤ ‘ਚ 2.5 ਅਰਬ ਲੈਣਦੇਣ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਕੋਕਾ-ਕੋਲਾ 2022 ਦੀ ਪਹਿਲੀ ਛਿਮਾਹੀ ਵਿੱਚ ਲਗਾਤਾਰ ਵਾਧਾ ਕਰਨਾ ਜਾਰੀ ਰੱਖਿਆ ਹੈ। ਕੁਇੰਸੀ ਨੇ ਕਿਹਾ, “ਸਪ੍ਰਾਈਟ ਭਾਰਤੀ ਬਾਜ਼ਾਰ ਵਿੱਚ ਇੱਕ ਬਿਲੀਅਨ ਡਾਲਰ ਦਾ ਬ੍ਰਾਂਡ ਬਣ ਗਿਆ ਹੈ। ਇਹ ਸਫਲਤਾ ਸਥਾਨਕ ਤੌਰ ‘ਤੇ ਸਵੀਕਾਰਤਾ, ਮੌਕਾ-ਅਧਾਰਿਤ ਗਲੋਬਲ ਮਾਰਕੀਟਿੰਗ ਮੁਹਿੰਮਾਂ ਦੁਆਰਾ ਹਾਸਲ ਹੋਈ ਹੈ।