ਰਸ਼ਦੀ ‘ਤੇ ਹਮਲੇ ਦੀ ਨਿੰਦਾ ਕਰਨ ‘ਤੇ ਲੇਖਿਕਾ JK ਰੋਲਿੰਗ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ

ਲੰਡਨ-ਲੇਖਿਕਾ ਜੇ.ਕੇ. ਰੋਲਿੰਗ ਨੂੰ ਬ੍ਰਿਟਿਸ਼ ਲੇਖਕ ਸਲਮਾਨ ਰਸ਼ਦੀ ‘ਤੇ ਹੋਏ ਹਮਲੇ ਦੀ ਨਿੰਦਾ ਕਰਨ ਲਈ ਜਾਨ ਤੋਂ ਮਾਰਨ ਦੀ ਧਮਕੀ ਮਿਲੀ ਹੈ। ਜ਼ਿਕਰਯੋਗ ਹੈ ਕਿ ਰਸ਼ਦੀ ਨੂੰ ‘ਦਿ ਸੈਨੇਟਿਕ ਵਸਰੇਜ਼’ ਦੀ ਰਚਨਾ ਕਰਨ ਤੋਂ ਬਾਅਦ ਸਾਲਾ ਤੱਕ ਇਸਲਾਮੀ ਕੱਟੜਪੰਥੀ ਨਾਲ ਮੌਤ ਦੀਆਂ ਧਮਕੀਆਂ ਦਾ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਨੂੰ ਨਿਊਜਰਸੀ ਦੇ ਰਹਿਣ ਵਾਲੇ ਹਾਦੀ ਮਤਾਰ (24) ਨਾਮ ਦੇ ਇਕ ਨੌਜਵਾਨ ਨੇ ਪੱਛਮੀ ਨਿਊਯਾਰਕ ਸੂਬੇ ‘ਚ ਆਯੋਜਿਤ ਇਕ ਪ੍ਰੋਗਰਾਮ ‘ਚ ਸ਼ੁੱਕਰਵਾਰ ਨੂੰ ਚਾਕੂ ਮਾਰ ਦਿੱਤਾ।

ਰੋਲਿੰਗ ਨੇ 75 ਸਾਲਾ ਰਸ਼ਦੀ ‘ਤੇ ਹੋਏ ਹਮਲੇ ਦੀ ਨਿੰਦਾ ਕਰਦੇ ਹੋਏ ਟਵੀਟ ਕੀਤਾ, ‘ਭਿਆਨਕ ਸਮਾਚਾਰ। ਬਹੁਤ ਪ੍ਰੇਸ਼ਾਨ ਮਹਿਸੂਸ ਕਰ ਰਹੀ ਹਾਂ।’ ਟਵਿੱਟਰ ‘ਤੇ ਇਕ ਵਿਅਕਤੀ ਨੇ ਇਸ ਨੂੰ ਪੋਸਟ ਕਰ ਕੁਮੈਂਟ ਕਰਦੇ ਹੋਏ ਕਿਹਾ ਕਿ ਚਿੰਤਾ ਨਾ ਕਰੋ ਅਗਲਾ ਨੰਬਰ ਤੁਹਾਡਾ ਹੈ। ਰੋਲਿੰਗ ਨੇ ਸ਼ੀਵਾਰ ਨੂੰ ਇਸ ਟਿੱਪਣੀ ਦਾ ‘ਸਕਰੀਨਸ਼ਾਟ’ ਸਾਂਝੀ ਕੀਤੀ ਅਤੇ ‘ਟਵਿੱਟਰ ਸਪੋਰਟ’ ਨੂੰ ਟੈਗ ਕਰਦੇ ਹੋਏ ਇਸ ਦਾ ਨੋਟਿਸ ਲੈਣ ਦੀ ਅਪੀਲ ਕੀਤੀ।