ਬੰਗਲਾਦੇਸ਼ ਦੇ ਗੋਲਫਰ ਜਮਾਲ ਹੁਸੈਨ ਚੋਟੀ ‘ਤੇ ਬਰਕਰਾਰ

ਪੰਚਕੁਲਾ : ਬੰਗਲਾਦੇਸ਼ ਦੇ ਗੋਲਫਰ ਜਮਾਲ ਹੁਸੈਨ ਨੇ ਦੂਜੇ ਦੌਰ ਵਿੱਚ ਚਾਰ ਅੰਡਰ 68 ਦੇ ਕਾਰਡ ਨਾਲ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਟਾਟਾ ਸਟੀਲ ਪੀਜੀਟੀਆਈ ਪਲੇਅਰਜ਼ ਚੈਂਪੀਅਨਸ਼ਿਪ ਵਿੱਚ ਆਪਣਾ ਸਿਖਰਲਾ ਸਥਾਨ ਬਰਕਰਾਰ ਰੱਖਿਆ। ਜਮਾਲ ਦਾ ਕੁੱਲ ਸਕੋਰ 11-ਅੰਡਰ 133 ਹੈ ਅਤੇ ਉਹ ਸ਼੍ਰੀਲੰਕਾ ਦੇ ਐਨ ਥੰਗਾਰਾਜਾ ਤੋਂ ਇੱਕ ਸ਼ਾਟ ਅੱਗੇ ਹੈ। ਥੰਗਾਰਾਜਾ ਨੇ ਦੂਜੇ ਦੌਰ ਵਿੱਚ ਅੱਠ ਅੰਡਰ 64 ਦਾ ਸਕੋਰ ਖੇਡਿਆ, ਜੋ ਦਿਨ ਦਾ ਸਰਵੋਤਮ ਸਕੋਰ ਸੀ। ਬੰਗਲਾਦੇਸ਼ ਦੇ ਬਾਦਲ ਹੁਸੈਨ ਕੁੱਲ ਨੌਂ ਅੰਡਰ 135 ਦੇ ਨਾਲ ਤੀਜੇ ਸਥਾਨ ‘ਤੇ ਹਨ।

ਭਾਰਤੀ ਖਿਡਾਰੀਆਂ ਵਿੱਚ ਚੰਡੀਗੜ੍ਹ ਦੇ ਯੁਵਰਾਜ ਸਿੰਘ ਸੰਧੂ (68-68) ਅਤੇ ਗੁਰੂਗ੍ਰਾਮ ਦੀ ਮਨੂ ਗੰਡਾਸ (69-67) ਕੁੱਲ ਅੱਠ ਅੰਡਰ 136 ਦੇ ਨਾਲ ਸਾਂਝੇ ਚੌਥੇ ਸਥਾਨ ‘ਤੇ ਹਨ। ਚੋਟੀ ਦੇ 10 ਵਿੱਚ ਓਮ ਪ੍ਰਕਾਸ਼ ਚੌਹਾਨ ਅਤੇ ਅੰਕੁਰ ਚੱਢਾ ਹਨ। ਅਜੀਤੇਸ਼ ਸੰਧੂ ਅੱਠਵੇਂ ਅਤੇ ਐਮ ਧਰਮਾ, ਬ੍ਰਸ਼ਵਰਪਾਲ ਸਿੰਘ ਅਤੇ ਸੁਧੀਰ ਸ਼ਰਮਾ ਸਾਂਝੇ ਨੌਵੇਂ ਸਥਾਨ ’ਤੇ ਰਹੇ।