ਮੁਫਤ ਰਾਸ਼ਨ ਸਕੀਮ ਦੀ ਲੋੜ ਨੂੰ ਪੂਰਾ ਕਰਨ ਲਈ ਲੋੜੀਂਦਾ ਅਨਾਜ ਭੰਡਾਰ : ਕੇਂਦਰ ਸਰਕਾਰ

ਨਵੀਂ ਦਿੱਲੀ : ਬੀਤੇ ਦਿਨੀਂ ਸਰਕਾਰ ਨੇਕਿਹਾ ਕਿ ਭਾਰਤੀ ਖੁਰਾਕ ਨਿਗਮ (ਐੱਫ.ਸੀ.ਆਈ.) ਦੇ ਗੋਦਾਮਾਂ ‘ਚ ਖੁਰਾਕ ਸੁਰੱਖਿਆ, ਮੁਫਤ ਰਾਸ਼ਨ ਯੋਜਨਾ  ਅਤੇ ਹੋਰ ਭਲਾਈ ਯੋਜਨਾਵਾਂ ਦੇ ਤਹਿਤ ਅਨਾਜ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ 4.4 ਕਰੋੜ ਟਨ ਦਾ ਕਾਫੀ ਭੰਡਾਰਨ ਹੈ। ਖੁਰਾਕ ਮੰਤਰਾਲੇ ਨੇ ਕਿਹਾ ਕਿ 1 ਅਪ੍ਰੈਲ, 2023 ਤੱਕ ਸਾਰੀਆਂ ਜ਼ਰੂਰਤਾਂ ਪੂਰੀਆਂ ਕਰਨ ਤੋਂ ਬਾਅਦ, ਲਗਭਗ 11.30 ਮਿਲੀਅਨ ਟਨ ਕਣਕ ਅਤੇ 23.6 ਮਿਲੀਅਨ ਟਨ ਚੌਲ ਉਪਲਬਧ ਹੋਣਗੇ। ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ, ਮੰਤਰੀ ਮੰਡਲ ਨੇ ਪ੍ਰਧਾਨ ਮੰਤਰੀ ਗਰੀਬ ਕਲਿਆਣ ਅੰਨਾ ਯੋਜਨਾ ਨੂੰ ਤਿੰਨ ਮਹੀਨੇ ਵਧਾਉਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ‘ਤੇ 44,762 ਕਰੋੜ ਰੁਪਏ ਖ਼ਰਚ ਕੀਤੇ ਜਾਣਗੇ।
ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ ਐੱਫ.ਸੀ.ਆਈ. ਕੋਲ ਰਾਸ਼ਟਰੀ ਖੁਰਾਕ ਸੁਰੱਖਿਆ ਕਾਨੂੰਨ ਐੱਨ.ਐੱਫ.ਐੱਸ.ਏ. ਹੋਰ ਯੋਜਨਾਵਾਂ ਅਤੇ ਵਾਧੂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਅਨਾਜ ਦਾ ਕਾਫੀ ਭੰਡਾਰ ਹੈ। ਮੌਜੂਦਾ ਸਮੇਂ ਪੂਲ ਵਿੱਚ ਲਗਭਗ 23.2 ਮਿਲੀਅਨ ਟਨ ਕਣਕ ਅਤੇ 209 ਮਿਲੀਅਨ ਟਨ ਚੌਲ ਹਨ।