T20 World Cup: ਕੈਨੇਡਾ ਨੂੰ ਹਰਾਉਣ ਤੋਂ ਬਾਅਦ ਬੋਲੇ ਬਾਬਰ ਆਜ਼ਮ

ਨਿਊਯਾਰਕ — ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਨੇ ਮੰਗਲਵਾਰ ਨੂੰ ਇੱਥੇ ਆਈਸੀਸੀ ਪੁਰਸ਼ ਟੀ-20 ਵਿਸ਼ਵ ਕੱਪ ਗਰੁੱਪ ਏ ਦੇ ਮੈਚ ‘ਚ ਕੈਨੇਡਾ ਨੂੰ ਸੱਤ ਵਿਕਟਾਂ ਨਾਲ ਹਰਾਉਣ ਤੋਂ ਬਾਅਦ ਕਿਹਾ ਕਿ ਨੈੱਟ ਰਨ ਰੇਟ ਉਸ ਦੇ ਦਿਮਾਗ ‘ਚ ਸੀ ਪਰ ਪਿੱਚ ਨੇ ਇਸ ਨੂੰ ਮੁਸ਼ਕਲ ਬਣਾ ਦਿੱਤਾ। ਬਾਬਰ ਨੇ ਕਿਹਾ, “ਸਾਨੂੰ ਇਸ ਜਿੱਤ ਦੀ ਲੋੜ ਸੀ।” ਅਸੀਂ ਗੇਂਦਬਾਜ਼ੀ ‘ਚ ਚੰਗੀ ਸ਼ੁਰੂਆਤ ਕੀਤੀ।

ਪਾਕਿਸਤਾਨ ਨੂੰ ਆਪਣੀ ਨੈੱਟ ਰਨ ਰੇਟ ਸਕਾਰਾਤਮਕ ਬਣਾਉਣ ਲਈ ਇਹ ਟੀਚਾ 19.1 ਓਵਰਾਂ ਵਿੱਚ ਹਾਸਲ ਕਰਨਾ ਸੀ। ਅਮਰੀਕਾ (0.626) ਨਾਲੋਂ ਵੱਧ ਨੈੱਟ ਰਨ ਰੇਟ ਰੱਖਣ ਲਈ ਇਸ ਨੂੰ 13.5 ਓਵਰਾਂ ਵਿੱਚ ਇਹ ਪ੍ਰਾਪਤ ਕਰਨਾ ਪਿਆ। ਪਰ ਪਾਕਿਸਤਾਨ ਨੇ 15 ਗੇਂਦਾਂ ਬਾਕੀ ਰਹਿੰਦਿਆਂ ਕੈਨੇਡਾ ‘ਤੇ ਜਿੱਤ ਦਰਜ ਕੀਤੀ, ਜਿਸ ਕਾਰਨ ਉਸ ਦੀ ਨੈੱਟ ਰਨ ਰੇਟ ਹੁਣ -0.150 ਤੋਂ ਵੱਧ ਕੇ 0.191 ਹੋ ਗਈ ਹੈ।

ਪਰ ਉਹ ਅਜੇ ਵੀ ਅਮਰੀਕਾ ਤੋਂ ਪਿੱਛੇ ਹੈ ਅਤੇ ਅਗਲੇ ਗੇੜ ਵਿੱਚ ਥਾਂ ਬਣਾਉਣ ਲਈ ਉਸ ਨੂੰ 16 ਜੂਨ ਨੂੰ ਆਇਰਲੈਂਡ ਖ਼ਿਲਾਫ਼ ਮੈਚ ਜਿੱਤਣਾ ਹੋਵੇਗਾ ਅਤੇ ਉਮੀਦ ਹੈ ਕਿ ਅਮਰੀਕਾ ਆਪਣੇ ਦੋਵੇਂ ਮੈਚ ਹਾਰੇਗਾ। ਬਾਬਰ ਨੇ ਕਿਹਾ, ”ਨੈੱਟ ਰਨ ਰੇਟ ਸਾਡੇ ਦਿਮਾਗ ‘ਚ ਸੀ ਪਰ ਪਿੱਚ ਕਾਰਨ ਇਹ ਮੁਸ਼ਕਲ ਹੋ ਗਿਆ।”