ਸ਼ਾਹਿਦ-ਮੀਰਾ ਨੇ ਮੁੰਬਈ ‘ਚ ਖਰੀਦਿਆ ਆਪਣੇ ਸੁਪਨਿਆਂ ਦਾ ਘਰ

ਮੁੰਬਈ : ਸ਼ਾਹਿਦ ਕਪੂਰ ਅਤੇ ਮੀਰਾ ਰਾਜਪੂਤ ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ‘ਚੋਂ ਇੱਕ ਹੈ। ਹਾਲਾਂਕਿ ਦੋਵੇਂ ਹਮੇਸ਼ਾ ਕਿਸੇ ਨਾ ਕਿਸੇ ਕਾਰਨ ਸੁਰਖੀਆਂ ‘ਚ ਰਹਿੰਦੇ ਹਨ । ਦੱਸਿਆ ਜਾ ਰਿਹਾ ਹੈ ਕਿ ਸ਼ਾਹਿਦ ਕਪੂਰ ਅਤੇ ਮੀਰਾ ਰਾਜਪੂਤ ਨੇ ਮੁੰਬਈ ‘ਚ ਇਕ ਆਲੀਸ਼ਾਨ ਅਪਾਰਟਮੈਂਟ ਖਰੀਦਿਆ ਹੈ, ਜਿਸ ਦੀ ਕੀਮਤ ਕਰੋੜਾਂ ‘ਚ ਹੈ।

ਦੱਸ ਦਈਏ ਕਿ ਸ਼ਾਹਿਦ ਕਪੂਰ ਅਤੇ ਮੀਰਾ ਰਾਜਪੂਤ ਨੇ ਇਹ ਅਪਾਰਟਮੈਂਟ 24 ਮਈ ਨੂੰ ਖਰੀਦਿਆ ਹੈ , ਜਿਸ ਦੀ ਕੀਮਤ 59 ਕਰੋੜ ਰੁਪਏ ਹੈ। ਰਿਪੋਰਟਾਂ ਮੁਤਾਬਕ ਸ਼ਾਹਿਦ ਨੇ ਇਸ ਅਪਾਰਟਮੈਂਟ ਲਈ 1.75 ਕਰੋੜ ਰੁਪਏ ਦੀ ਸਟੈਂਪ ਡਿਊਟੀ ਅਦਾ ਕੀਤੀ ਹੈ। ਖ਼ਬਰਾਂ ਮੁਤਾਬਕ ਸ਼ਾਹਿਦ ਦਾ ਨਵਾਂ ਘਰ ਓਬਰਾਏ ਰਿਐਲਟੀ ਦੀ ਟਾਪ ਫਲੋਰ ‘ਤੇ ਸਥਿਤ ਹੈ। ਸ਼ਾਹਿਦ-ਮੀਰਾ ਨੇ ਇਸ ਨੂੰ ਚੰਦਕ ਰੀਅਲਟਰਜ਼ ਪ੍ਰਾਈਵੇਟ ਲਿਮਟਿਡ ਤੋਂ ਖਰੀਦਿਆ ਹੈ। ਉਹ ਇਸ ਘਰ ‘ਚ ਪੂਰੀ ਫੈਮਿਲੀ ਨਾਲ ਸ਼ਿਫਟ ਹੋਣਗੇ। ਕੰਮ ਦੀ ਗੱਲ ਕਰੀਏ ਤਾਂ ਸ਼ਾਹਿਦ ਕਪੂਰ ਆਖਰੀ ਵਾਰ ‘ਤੇਰੀ ਬਾਤੋਂ ਮੈਂ ਐਸਾ ਉਲਝਾ ਜੀਆ’ ‘ਚ ਨਜ਼ਰ ਆਏ ਸਨ। ਹੁਣ ਉਹ ਜਲਦ ਹੀ ‘ਦੇਵਾ ਔਰ ਫਰਜ਼ੀ 2’ ‘ਚ ਨਜ਼ਰ ਆਉਣਗੇ।