ਪਾਕਿ ਸਥਿਤ ਮਹਾਰਾਜਾ ਰਣਜੀਤ ਸਿੰਘ ਦੀ ਜੱਦੀ ਹਵੇਲੀ ਦਾ ਇਕ ਹਿੱਸਾ ਮੀਂਹ ਕਾਰਨ ਹੋਇਆ ਢਹਿ-ਢੇਰੀ
![](http://mehakewattan.com/wp-content/uploads/2022/08/2022_8image_09_45_206415575ranjit-ll.jpg)
ਗੁਜਰਾਂਵਾਲਾ – ਪਾਕਿਸਤਾਨ ਦੇ ਗੁਜਰਾਂਵਾਲਾ ਵਿੱਚ ਮਹਾਰਾਜਾ ਰਣਜੀਤ ਸਿੰਘ ਦੀ ਜੱਦੀ ਹਵੇਲੀ, ਜਿੱਥੇ ਉਨ੍ਹਾਂ ਦਾ ਜਨਮ ਹੋਇਆ ਸੀ, ਦਾ ਇੱਕ ਵੱਡਾ ਹਿੱਸਾ 12 ਅਗਸਤ ਨੂੰ ਭਾਰੀ ਮੀਂਹ ਕਾਰਨ ਢਹਿ ਗਿਆ ਹੈ। ਇਹ ਸ਼ੇਰ-ਏ-ਪੰਜਾਬ ਦੀ ਵਿਰਾਸਤ ਪ੍ਰਤੀ ਪਾਕਿਸਤਾਨ ਸਰਕਾਰ ਦੀ ਉਦਾਸੀਨਤਾ ਨੂੰ ਦਰਸਾਉਂਦਾ ਹੈ। ਕੁਝ ਦਿਨ ਪਹਿਲਾਂ ਜ਼ਿਲ੍ਹੇ ਦੇ ਸਹਾਇਕ ਕਮਿਸ਼ਨਰ ਨੇ ਸਬੰਧਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਨਾਲ ਲੈ ਕੇ ਉਕਤ ਹਵੇਲੀ ਦਾ ਦੌਰਾ ਕਰਕੇ ਇਸ ਨੂੰ ਪੂਰੀ ਤਰ੍ਹਾਂ ਸੁਰੱਖਿਅਤ ਐਲਾਨਿਆ ਸੀ। ਇਸ ਨੂੰ ਸੈਲਾਨੀਆਂ ਅਤੇ ਖਾਸ ਕਰਕੇ ਭਾਰਤ ਤੋਂ ਆਏ ਸਿੱਖਾਂ ਦੇ ਦੇਖਣ ਲਈ ਖੋਲ੍ਹਣ ਦਾ ਐਲਾਨ ਕੀਤਾ ਗਿਆ ਸੀ।
![PunjabKesari](https://static.jagbani.com/multimedia/09_45_324228034ranjit1-ll.jpg)
ਪਾਕਿਸਤਾਨ ਪੁਰਾਤੱਤਵ ਵਿਭਾਗ ਵੱਲੋਂ ਇਮਾਰਤ ਨੂੰ ਇੱਕ ਸੁਰੱਖਿਅਤ ਵਿਰਾਸਤੀ ਇਮਾਰਤ ਘੋਸ਼ਿਤ ਕੀਤਾ ਗਿਆ ਹੈ, ਪਰ ਅਧਿਕਾਰੀ ਘੱਟ ਹੀ ਜਾਂਦੇ ਹਨ। ਪਾਕਿ ਸਰਕਾਰ ਵੱਲੋਂ ਕਈ ਵਾਰ ਫੰਡ ਅਲਾਟ ਕੀਤੇ ਗਏ ਹਨ ਪਰ ਬਹਾਲੀ ਲਈ ਵਰਤੋਂ ਨਹੀਂ ਕੀਤੀ ਗਈ। ਇਸ ਤੋਂ ਇਲਾਵਾ ਹਵੇਲੀ ਦੇ ਆਲੇ-ਦੁਆਲੇ ਦਾ ਸਾਰਾ ਇਲਾਕਾ ਨਾਜਾਇਜ਼ ਦੁਕਾਨਾਂ ਨਾਲ ਮੱਛੀ ਬਾਜ਼ਾਰ ਵਿਚ ਤਬਦੀਲ ਹੋ ਗਿਆ ਹੈ।