ਉਰਮਿਲਾ ਮਾਤੋਂਡਕਰ ਬਾਰੇ ਇਤਰਾਜ਼ਯੋਗ ਟਿੱਪਣੀ ਕਰ ਬੈਠੀ ਸੀ ਕੰਗਨਾ ਰਣੌਤ

ਨਵੀਂ ਦਿੱਲੀ – ਅਦਾਕਾਰਾ ਕੰਗਨਾ ਰਣੌਤ, ਜੋ ਕਿ ਆਉਣ ਵਾਲੀਆਂ ਆਮ ਚੋਣਾਂ ’ਚ ਹਿਮਾਚਲ ਦੇ ਮੰਡੀ ਤੋਂ ਚੋਣ ਸ਼ੁਰੂਆਤ ਕਰਨ ਲਈ ਤਿਆਰ ਹੈ, ਨੇ ਬੁੱਧਵਾਰ ਨੂੰ ਆਪਣੀ ਸਾਥੀ ਬਾਲੀਵੁੱਡ ਸਹਿਯੋਗੀ ਉਰਮਿਲਾ ਮਾਤੋਂਡਕਰ ਦੀ ਇਕ ਪੁਰਾਣੀ ਟਿੱਪਣੀ ’ਤੇ ਖੁੱਲ੍ਹ ਕੇ ਗੱਲਬਾਤ ਕੀਤੀ, ਜਿਸ ’ਚ ਉਸ ਨੇ ਉਰਮਿਲਾ ਨੂੰ ‘ਸਾਫਟਕੋਰ ਪੋਰਨ ਅਦਾਕਾਰਾ’ ਕਹਿ ਕੇ ਸੰਬੋਧਿਤ ਕੀਤਾ ਸੀ।

ਬੁੱਧਵਾਰ ਨੂੰ ਇਕ ਪ੍ਰੋਗਰਾਮ ’ਚ ਬੋਲਦਿਆਂ ਕੰਗਨਾ ਨੇ ਆਪਣੀ ਪਿਛਲੀ ਟਿੱਪਣੀ ਨੂੰ ਲੈ ਕੇ ਦੱਸਿਆ ਕਿ ਕੀ ਸਾਫਟ ਪੋਰਨ ਜਾਂ ਪੋਰਨਸਟਾਰ ਇਕ ਇਤਰਾਜ਼ਯੋਗ ਸ਼ਬਦ ਹੈ? ਉਨ੍ਹਾਂ ਕਿਹਾ ਕਿ ਨਹੀਂ, ਇਹ ਕੋਈ ਇਤਰਾਜ਼ਯੋਗ ਸ਼ਬਦ ਨਹੀਂ ਹੈ।

ਇਹ ਇਕ ਅਜਿਹਾ ਸ਼ਬਦ ਹੈ, ਜੋ ਸਮਾਜਿਕ ਤੌਰ ’ਤੇ ਸਵੀਕਾਰਯੋਗ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਦੇਸ਼ ’ਚ ਜਿੰਨਾ ਸਨਮਾਨ ਪੋਰਨ ਸਟਾਰ ਨੂੰ ਮਿਲਦਾ ਹੈ, ਕੋਈ ਵੀ ਹੋਰ ਦੇਸ਼ ਪੋਰਨ ਸਟਾਰਜ਼ ਨੂੰ ਓਨਾ ਸਨਮਾਨ ਨਹੀਂ ਦਿੰਦਾ, ਤੁਸੀਂ (ਸਾਬਕਾ ਐਡਲਟ ਫ਼ਿਲਮ ਸਟਾਰ) ਸੰਨੀ ਲਿਓਨ ਤੋਂ ਪੁੱਛ ਸਕਦੇ ਹੋ।