ਕੈਨੇਡਾ ਨੇ ਚਿਲੀ ਤੇ ਅਮਰੀਕਾ ਨੇ ਗ੍ਰੇਟ ਬ੍ਰਿਟੇਨ ਨੂੰ ਹਰਾਇਆ

ਸਿਡਨੀ : ਸਾਬਕਾ ਯੂਐਸ ਓਪਨ ਫਾਈਨਲਿਸਟ ਲੇਲਾ ਫਰਨਾਂਡੇਜ਼ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਦਮ ‘ਤੇ ਕੈਨੇਡਾ ਨੇ ਐਤਵਾਰ ਨੂੰ ਯੂਨਾਈਟਿਡ ਕੱਪ ਟੈਨਿਸ ਟੂਰਨਾਮੈਂਟ ਦੇ ਸ਼ੁਰੂਆਤੀ ਮੈਚ ਵਿੱਚ ਚਿਲੀ ਨੂੰ 2-1 ਨਾਲ ਹਰਾ ਦਿੱਤਾ। ਫਰਨਾਂਡੀਜ਼ ਨੇ ਡੇਨੀਏਲਾ ਸੇਗੁਏਲ ਨੂੰ 6-3, 6-2 ਨਾਲ ਹਰਾਇਆ। ਇਸ ਤੋਂ ਬਾਅਦ ਨਿਕੋਲਸ ਜੈਰੀ ਨੇ ਸਟੀਵਨ ਡਿਆਜ਼ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾ ਕੇ ਗਰੁੱਪ ਬੀ ਦੇ ਇਸ ਮੈਚ ਵਿੱਚ ਚਿਲੀ ਨੂੰ ਬਰਾਬਰੀ ’ਤੇ ਲਿਆਂਦਾ। ਫਰਨਾਂਡੇਜ਼ ਅਤੇ ਡਿਆਜ਼ ਨੇ ਫਿਰ ਫੈਸਲਾਕੁੰਨ ਮਿਕਸਡ ਡਬਲਜ਼ ਮੈਚ ਵਿੱਚ ਸੇਗੁਏਲ ਅਤੇ ਟੋਮਸ ਬੈਰੀਓਸ ਵੇਰਾ ਵਿਰੁੱਧ 7-5, 4-6, 10-8 ਨਾਲ ਜਿੱਤ ਦਰਜ ਕੀਤੀ। 

ਦੂਜੇ ਪਾਸੇ ਪਰਥ ‘ਚ ਖੇਡੇ ਗਏ ਗਰੁੱਪ ਸੀ ਦੇ ਮੈਚ ‘ਚ ਅਮਰੀਕਾ ਨੇ ਸ਼ੁਰੂਆਤ ‘ਚ ਪਛੜਨ ਤੋਂ ਬਾਅਦ ਗ੍ਰੇਟ ਬ੍ਰਿਟੇਨ ਨੂੰ 2-1 ਨਾਲ ਹਰਾਇਆ। ਬ੍ਰਿਟੇਨ ਦੀ ਕੇਟੀ ਬੋਲਟਰ ਨੇ ਵਿਸ਼ਵ ਦੀ ਪੰਜਵੀਂ ਰੈਂਕਿੰਗ ਦੀ ਜੈਸਿਕਾ ਪੇਗੁਲਾ ਨੂੰ ਸੈੱਟ ਤੋਂ ਹੇਠਾਂ ਆਉਣ ਤੋਂ ਬਾਅਦ ਕਰੀਬ ਤਿੰਨ ਘੰਟਿਆਂ ਵਿੱਚ 5-7, 6-4, 6-4 ਨਾਲ ਹਰਾਇਆ। ਅਮਰੀਕਾ ਦੇ ਵਿਸ਼ਵ ਦੇ 10ਵੇਂ ਨੰਬਰ ਦੇ ਖਿਡਾਰੀ ਟੇਲਰ ਫ੍ਰਿਟਜ਼ ਨੇ ਕੈਮਰੂਨ ਨੋਰੀ ਨੂੰ 7-6 (5), 6-4 ਨਾਲ ਹਰਾ ਕੇ ਮੈਚ ਬਰਾਬਰ ਕੀਤਾ। ਮਿਕਸਡ ਡਬਲਜ਼ ਵਿੱਚ, ਪੇਗੁਲਾ ਅਤੇ ਫ੍ਰਿਟਜ਼ ਨੇ ਬੋਲਟਰ ਅਤੇ ਨੀਲ ਸਕੁਪਸਕੀ ਨੂੰ 1-6, 7-6(4), 10-7 ਨਾਲ ਹਰਾ ਕੇ ਅਮਰੀਕਾ ਦੀ ਜਿੱਤ ‘ਤੇ ਮੋਹਰ ਲਗਾਈ।