ਸ਼ਤਰੰਜ: ਪ੍ਰਣਵ ਭਾਰਤ ਦਾ 76ਵਾਂ ਗਰੈਂਡ ਮਾਸਟਰ ਬਣਿਆ

ਚੇਨੱਈ:ਬੰਗਲੂਰੂ ਦਾ ਸ਼ਤਰੰਜ ਖਿਡਾਰੀ ਪ੍ਰਣਵ ਆਨੰਦ ਭਾਰਤ ਦਾ 76ਵਾਂ ਗਰੈਂਡ ਮਾਸਟਰ ਬਣ ਗਿਆ ਹੈ। ਉਸ ਨੇ ਰੋਮਾਨੀਆ ਵਿੱਚ ਚੱਲ ਰਹੀ ਵਿਸ਼ਵ ਯੁਵਾ ਸ਼ਤਰੰਜ ਚੈਂਪੀਅਨਸ਼ਿਪ ਵਿੱਚ 2500 ਈਐਲਓ ਰੇਟਿੰਗ ਨੂੰ ਪਾਰ ਕਰਕੇ ਇਹ ਪ੍ਰਾਪਤੀ ਹਾਸਲ ਕੀਤੀ। 15 ਸਾਲਾ ਖਿਡਾਰੀ ਨੇ ਗਰੈਂਡ ਮਾਸਟਰ ਖਿਤਾਬ ਹਾਸਲ ਕਰਨ ਲਈ ਬਾਕੀ ਮਾਪਦੰਡ ਪਹਿਲਾਂ ਹੀ ਪੂਰੇ ਕਰ ਲਏ ਸਨ। ਪ੍ਰਣਵ ਦੇ ਕੋਚ ਵੀ. ਸਰਵਾਨਨ ਨੇ ਕਿਹਾ, ‘‘ਉਹ ਸ਼ਤਰੰਜ ਨੂੰ ਬਹੁਤ ਪਿਆਰ ਕਰਦਾ ਹੈ ਅਤੇ ਘੰਟਿਆਂਬੱਧੀ ਅਭਿਆਸ ਲਈ ਤਿਆਰ ਰਹਿੰਦਾ ਹੈ।’’