ਟੀ-20 ਸੀਰੀਜ਼ ’ਚ ਦਿਸੀ ਟੀ-20 ਵਿਸ਼ਵ ਕੱਪ 2024 ਲਈ ਟੀਮ ਇੰਡੀਆ ਦੀ ਝਲਕ

ਭਾਰਤੀ ਨੌਜਵਾਨਾਂ ਨਾਲ ਸਜ਼ੀ ਟੀਮ ਇੰਡੀਆ ਨੇ ਵਿਸ਼ਵ ਕੱਪ ਫਾਈਨਲ ਤੋਂ ਠੀਕ 4 ਦਿਨ ਬਾਅਦ ਆਸਟ੍ਰੇਲੀਆ ਵਿਰੁੱਧ ਸ਼ੁਰੂ ਹੋਈ 5 ਮੈਚਾਂ ਦੀ ਟੀ-20 ਸੀਰੀਜ਼ 4-1 ਨਾਲ ਜਿੱਤ ਲਈ। ਦੋਵੇਂ ਟੀਮਾਂ ਵਿਚ ਸ਼ਾਮਲ ਖਿਡਾਰੀਆਂ ਨੂੰ ਦੂਜੀ ਲਾਈਨ ਦੇ ਰੂਪ ਵਿਚ ਚੁਣਿਆ ਗਿਆ ਸੀ ਪਰ ਭਾਰਤੀ ਖਿਡਾਰੀਆਂ ਦੀ ਇਸ ਲਾਈਨ ਨੇ ਅਜਿਹੀ ਖੇਡ ਦਿਖਾਈ, ਜਿਸ ਨੇ ਆਗਾਮੀ ਟੀ-20 ਵਿਸ਼ਵ ਕੱਪ ਲਈ ਟੀਮ ਇੰਡੀਆ ਦੀ ਇਕ ਝਲਕ ਦਿਖਾ ਦਿੱਤੀ।

ਸਾਡੇ ਕੋਲ ਸਲਾਮੀ ਬੱਲੇਬਾਜ਼, ਸਪਿਨਰਾਂ ਦੀ ਜੋੜੀ, ਡੈੱਥ ਓਵਰ ਮਾਹਿਰ ਤੇ ਫਿਨਿਸ਼ਰ ਆਦਿ ਦੇ ਰੂਪ ਵਿਚ ਖਿਡਾਰੀ ਚੁਣੇ ਗਏ ਹਨ। ਹੁਣ ਟੀਮ ਇੰਡੀਆ ਨੇ ਆਗਾਮੀ ਆਈ. ਪੀ. ਐੱਲ. ਸ਼ੁਰੂ ਹੋਣ ਤੋਂ ਪਹਿਲਾਂ ਸਿਰਫ 6 ਟੀ-20 ਮੁਕਾਬਲੇ ਖੇਡਣੇ ਹਨ, ਅਜਿਹੇ ਵਿਚ ਆਸਟ੍ਰੇਲੀਆ ਵਿਰੁੱਧ ਇਹ ਸੀਰੀਜ਼ ਮੈਨੇਜਮੈਂਟ ਲਈ ਬਹੁਤ ਮਹੱਤਵ ਰੱਖਦੀ ਹੈ। ਆਓ ਜਾਣਦੇ ਹਾਂ ਕਿ ਟੀਮ ਮੈਨੇਜਮੈਂਟ ਨੇ ਇਸ ਸੀਰੀਜ਼ ਤੋਂ ਕੀ-ਕੀ ਹਾਸਲ ਕੀਤਾ ਹੈ।