18-19 ਨਵੰਬਰ ਨੂੰ ਹੋਣ ਵਾਲਾ ਵਿਸ਼ਵ ਵਰਲਡ ਕਬੱਡੀ ਕੱਪ ਹੋਵੇਗਾ ਕੱਲ੍ਹ

ਆਕਲੈਂਡ – ਨਿਊਜੀਲੈਂਡ ਵੱਸਦੇ ਸਿੱਖ ਭਾਈਚਾਰੇ ਨੂੰੰ ਜਿਸ ਮੌਕੇ ਦੀ ਲੰਮੇ ਸਮੇਂ ਉਡੀਕ ਸੀ ,ਆਖਿਰ ਉਹ ਸਮਾਂ ਆ ਹੀ ਗਿਆ। ਨਿਊਜ਼ੀਲੈਂਡ ਵਿੱਚ ਵੱਡੇ ਪੱਧਰ ‘ਤੇ ਕਬੱਡੀ ਵਿਸ਼ਵ ਕੱਪ 18-19 ਨਵੰਬਰ ਨੂੰ ਹੋਣ ਜਾ ਰਿਹਾ ਸੀ । ਪ੍ਰੰਤੂ ਖਰਾਬ ਮੌਸਮ ਅਤੇ ਤੇਜ ਬਾਰਿਸ਼ ਕਾਰਨ ਇਸ ਮੈਚ ਨੂੰ ਹੋਲਡ ਕਰ ਦਿੱਤਾ ਗਿਆ ਸੀ। ਹੁਣ ਇਹ ਵਿਸ਼ਵ ਵਰਲਡ ਕਬੱਡੀ ਕੱਪ ਮੈਚ 26 ਨਵੰਬਰ ਦਿਨ ਐਤਵਾਰ ਨੂੰ ਹੋਣ ਜਾ ਰਿਹਾ ਹੈ। ਜਿਸ ਕਾਰਨ ਦਰਸ਼ਕਾਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।

ਜਿਸ ਵਿੱਚ ਛੇ ਟੀਮਾਂ ਹਿੱਸਾ ਲੈਣਗੀਆਂ ਜੋ ਕਿ ਯੂਨਾਟਿਡ ਸਟੇਟ ਅਮਰੀਕਾ,ਆਸਟ੍ਰੇਲੀਆ, ਪਾਕਿਸਤਾਨ, ਭਾਰਤ, ਕੈਨੇਡਾ,ਨਿਊਜ਼ੀਲੈਂਡ ਤੋਂ ਸ਼ਾਮਿਲ ਹੋਣਗੀਆਂ। ਇਸ ਮੌਕੇ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਅਤੇ ਲੇਬਰ ਪਾਰਟੀ ਲੀਡਰ ਕ੍ਰਿਸ ਹਿਪਕਿਨਸ ਇਸ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣਗੇ। ਸਮੂਹ ਭਾਈਚਾਰੇ ਵਿੱਚ ਇਸ ਵਿਸ਼ਵ ਕਬੱਡੀ ਕੱਪ ਨੂੰ ਲੈ ਕੇ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਸੁਪਰੀਮ ਸਿੱਖ ਸੁਸਾਇਟੀ ਵੱਲੋਂ ਨਿਊਜ਼ੀਲੈਂਡ ਵਿੱਚ ਇੰਨੇ ਵੱਡੇ ਪੱਧਰ ‘ਤੇ ਟੀਮਾਂ ਇੱਕਠੀਆਂ ਹੋਣਗੀਆਂ। ਅਜਿਹਾ ਪਹਿਲੀ ਵਾਰ ਹੋਣ ਜਾ ਰਿਹਾ ਹੈ ਕਿ ਪਾਕਿਸਤਾਨ ਟੀਮ ਨਿਊਜ਼ੀਲੈਡ ‘ਚ ਹੋ ਰਹੇ ਵਿਸ਼ਵ ਕਬੱਡੀ ਕੱਪ ਵਿੱਚ ਹਿੱਸਾ ਲੈਣਗੇ। ਪਾਕਿਸਤਾਨ ਟੀਮ ਕੈਨੇਡਾ ਕੱਪ ਤੋਂ ਬਾਅਦ ਕਦੇਂ ਵੀ ਬਾਹਰ ਖੇਡਣ ਨਹੀਂ ਗਈ। ਸੁਪਰੀਮ ਸਿੱਖ ਸੁਸਾਇਟੀ ਦੇ ਪ੍ਰਧਾਨ ਸ. ਦਲਜੀਤ ਸਿੰਘ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਗੁਰਦੁਆਰਾ ਕਲਗੀਧਰ ਸਾਹਿਬ ਟਾਕਾਨਿਨੀ ਵਿਖੇ ਬਣੇ ਸਿੱਖ ਸਪੋਰਟਸ ਕੰਪਲੈਕਸ ਵਿੱਚ ਬਣੇ ਸਟੇਡੀਅਮ ਦਾ ਕੰਮ ਪੂਰਾ ਹੋ ਗਿਆ ਹੈ 26 ਨਵੰਬਰ ਵਾਲੇ ਦਿਨ ਜਦੋਂ ਕਬੱਡੀ ਦਾ ਵਿਸ਼ਵ ਕੱਪ ਇਸ ਸਟੇਡੀਅਮ ਵਿੱਚ ਹੋਏਗਾ ਤਾਂ ਉਸ ਦਿਨ ਵੱਖਰਾ ਹੀ ਨਜਾਰਾ ਦੇਖਣ ਨੂੰ ਮਿਲੇਗਾ ਤੇ ਨਿਊਜੀਲੈਂਡ ਦੇ ਸਿੱਖ ਭਾਈਚਾਰੇ ਲਈ ਉਹ ਇੱਕ ਮਾਣ ਭਰਿਆ ਸਮਾਂ ਸਾਬਿਤ ਹੋਏਗਾ। ਕੱਲ ਹੋਣ ਵਾਲੇ ਕਬੱਡੀ ਕੱਪ ਲਈ ਸਮਾਂ ਸਾਰਣੀ ਦਿੱਤੇ ਪੋਸਟਰ ਅਨੁਸਾਰ ਹੋਵੇਗੀ।