ਕੈਟਰੀਨਾ ਨੇ ਸਹੁਰਿਆਂ ਅਤੇ ਪੇਕਿਆਂ ਨਾਲ ਮਨਾਈ ਦੀਵਾਲੀ

ਮੁੰਬਈ — ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ ਬਾਲੀਵੁੱਡ ਦੀ ਸਭ ਤੋਂ ਪਿਆਰੀ ਜੋੜੀ ਹੈ। ਦੋਵਾਂ ਨੇ ਦਸੰਬਰ 2021 ਵਿੱਚ ਡਰੀਮ ਵੈਡਿੰਗ ਕੀਤੀ। ਵਿਆਹ ਤੋਂ ਲੈ ਕੇ ਹੁਣ ਤੱਕ ਦੋਵੇਂ ਆਪਣੀ ਜ਼ਿੰਦਗੀ ਬਹੁਤ ਖੁਸ਼ੀਆਂ ਨਾਲ ਬਤੀਤ ਕਰ ਰਹੇ ਹਨ। ਇਸ ਜੋੜੇ ਦੇ ਰਿਸ਼ਤੇ ਦੀ ਖਾਸ ਗੱਲ ਇਹ ਹੈ ਕਿ ਦੋਵੇਂ ਇਕ-ਦੂਜੇ ਦੇ ਧਰਮ ਦਾ ਬਹੁਤ ਸਤਿਕਾਰ ਕਰਦੇ ਹਨ।

ਇੱਕ ਈਸਾਈ ਪਰਿਵਾਰ ਤੋਂ ਆਉਣ ਦੇ ਬਾਵਜੂਦ ਕੈਟਰੀਨਾ ਆਪਣੇ ਪਤੀ ਵਿੱਕੀ ਦੇ ਪੰਜਾਬੀ ਪਰਿਵਾਰ ਨਾਲ ਘੁਲਮਿਲ ਗਈ ਹੈ ਅਤੇ ਅਕਸਰ ਉਨ੍ਹਾਂ ਨਾਲ ਤਿਉਹਾਰਾਂ ਦਾ ਆਨੰਦ ਮਾਣਦੇ ਦੇਖਿਆ ਜਾਂਦਾ ਹੈ। ਹੋਲੀ ਤੋਂ ਕਰਵਾ ਚੌਥ ਤੱਕ ਕੈਟਰੀਨਾ ਨੇ ਹਰ ਤਿਉਹਾਰ ਪੂਰੇ ਦਿਲ ਅਤੇ ਸਨਮਾਨ ਨਾਲ ਮਨਾਇਆ। 12 ਨਵੰਬਰ ਨੂੰ ਕੈਟਰੀਨਾ ਦੀਵਾਲੀ ਦੇ ਜਸ਼ਨਾਂ ‘ਚ ਰੁੱਝੀ ਨਜ਼ਰ ਆਈ। ਕੈਟਰੀਨਾ ਨੇ ਆਪਣੇ ਸਹੁਰੇ ਅਤੇ ਪੇਕੇ ਪਰਿਵਾਰ ਨਾਲ ਦੀਵਾਲੀ ਮਨਾਈ, ਜਿਸ ਦੀਆਂ ਤਸਵੀਰਾਂ ਉਸ ਨੇ ਇੰਸਟਾ ‘ਤੇ ਸ਼ੇਅਰ ਕੀਤੀਆਂ ਹਨ।

ਇਸ ਮੌਕੇ ‘ਤੇ ਕੈਟਰੀਨਾ ਨੇ ਫਲਾਵਰ ਪ੍ਰਿੰਟ ਦੇ ਨਾਲ ਚਿੱਟੇ ਰੰਗ ਦੀ ਸਾੜੀ ਪਾਈ ਹੈ। ਉਸਨੇ ਸਾੜ੍ਹੀ ਦੇ ਨਾਲ ਇੱਕ ਡੀਪਨੇਕ ਸਲੀਵਲੇਸ ਬਲਾਊਜ਼ ਪੇਅਰ ਕੀਤਾ। ਕੈਟਰੀਨਾ ਨੇ ਬਿੰਦੀ, ਮਿਨਿਮਲ ਮੇਕਅੱਪ, ਨਿਊਡ ਲਿਪਸਟਿਕ ਨਾਲ ਲੁੱਕ ਨੂੰ ਪੂਰਾ ਕੀਤਾ। ਖੁੱਲ੍ਹੇ ਵਾਲ ਕੈਟਰੀਨਾ ਦੇ ਟ੍ਰੇਡਿਸ਼ਨਲ ਲੁੱਕ ‘ਤੇ ਚਾਰ ਚੰਨ ਲਗਾ ਰਹੇ ਸਨ। ਇਸ ਦੇ ਨਾਲ ਹੀ ਵਿੱਕੀ ਕਢਾਈ ਵਾਲੇ ਕੁੜਤੇ ਅਤੇ ਚਿੱਟੇ ਪਜਾਮੇ ਵਿੱਚ ਹੈਡਸਮ ਲੱਗ ਰਿਹਾ ਸੀ। ਪਹਿਲੀ ਤਸਵੀਰ ‘ਚ ਕੈਟਰੀਨਾ ਆਪਣੇ ਪਤੀ ਵਿੱਕੀ ਦਾ ਹੱਥ ਫੜ ਕੇ ਕੈਮਰੇ ਲਈ ਸਮਾਈਲ ਦਿੰਦੀ ਨਜ਼ਰ ਆ ਰਹੀ ਹੈ।

ਦੂਜੀ ਤਸਵੀਰ ‘ਚ ਕੈਟਰੀਨਾ ਦੀ ਮਾਂ ਸੁਜ਼ੈਨ ਅਤੇ ਭੈਣ ਇਜ਼ਾਬੇਲ ਕੈਫ ਪੀਲੇ ਸੂਟ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀਆਂ ਹਨ। ਇਨ੍ਹਾਂ ਖੂਬਸੂਰਤ ਤਸਵੀਰਾਂ ਨੂੰ ਸ਼ੇਅਰ ਕੀਤਾ ਗਿਆ ਸੀ ਅਤੇ ਲਿਖਿਆ ਗਿਆ ਸੀ- ‘ਹੈਪੀ ਦੀਵਾਲੀ’। ਫੈਨਜ਼ ਦੋਵਾਂ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਇਸ ਸਾਲ ਰਿਲੀਜ਼ ਹੋਈ ਵਿੱਕੀ ਦੀ ‘ਜ਼ਾਰਾ ਹਟਕੇ ਜ਼ਰਾ ਬਚਕੇ’ ਬਲਾਕਬਸਟ ਰਹੀ ਹੈ। ਵਿੱਕੀ ਜਲਦ ਹੀ ‘ਸੈਮ ਬਹਾਦਰ’ ਅਤੇ ‘ਡਿੰਕੀ’ ‘ਚ ਨਜ਼ਰ ਆਉਣਗੇ। ਕੈਟਰੀਨਾ ਦੀ ਗੱਲ ਕਰੀਏ ਤਾਂ ਸਲਮਾਨ ਖਾਨ ਦੇ ਨਾਲ ਐਕਸ਼ਨ ਫਿਲਮ ‘ਟਾਈਗਰ 3’ ਬੀਤੇ ਦਿਨ ਯਾਨੀ ਦੀਵਾਲੀ ਦੇ ਮੌਕੇ ‘ਤੇ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਨੇ ਜ਼ਬਰਦਸਤ ਓਪਨਿੰਗ ਕੀਤੀ ਸੀ ਅਤੇ ਪਹਿਲੇ ਦਿਨ 44 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਸੀ।ਕੈਟਰੀਨਾ ਕੈਫ ਜਲਦ ਹੀ ਵਿਜੇ ਸੇਤੂਪਤੀ ਨਾਲ ਫਿਲਮ ‘ਮੇਰੀ ਕ੍ਰਿਸਮਸ’ ‘ਚ ਨਜ਼ਰ ਆਵੇਗੀ।