ਧੀ ‘ਰਾਹਾ ਕਪੂਰ’ ਨਾਲ ਆਲੀਆ-ਰਣਬੀਰ ਨੇ ਮਨਾਈ ਪਹਿਲੀ ਦੀਵਾਲੀ
ਮੁੰਬਈ : ਆਲੀਆ ਭੱਟ ਬਾਲੀਵੁੱਡ ਦੀ ਸਭ ਤੋਂ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਆਪਣੀ ਪ੍ਰੋਫੈਸ਼ਨਲ ਲਾਈਫ ‘ਚ ਆਲੀਆ ਨੇ ਕੁਝ ਮਹੀਨੇ ਪਹਿਲਾਂ ਫਿਲਮ ਹਾਰਟ ਆਫ ਸਟੋਨ ਨਾਲ ਹਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਪਰਸਨਲ ਲਾਈਫ ਦੀ ਗੱਲ ਕਰੀਏ ਤਾਂ ਆਲੀਆ ਨੇ ਰਣਬੀਰ ਕਪੂਰ ਨਾਲ ਵਿਆਹ ਕਰਵਾ ਲਿਆ ਹੈ। ਇਸ ਜੋੜੇ ਦੀ ਇੱਕ ਪਿਆਰੀ ਬੇਟੀ ਵੀ ਹੈ ਜਿਸ ਦਾ ਨਾਮ ‘ਰਾਹਾ ਕਪੂਰ’ ਹੈ।
ਹਾਲ ਹੀ ‘ਚ ਆਲੀਆ-ਰਣਬੀਰ ਨੇ ਆਪਣੀ ਬੇਟੀ ਨਾਲ ਪਹਿਲੀ ਦੀਵਾਲੀ ਮਨਾਈ, ਜਿਸ ਦੀਆਂ ਤਸਵੀਰਾਂ ਉਨ੍ਹਾਂ ਨੇ ਇੰਸਟਾ ‘ਤੇ ਸ਼ੇਅਰ ਕੀਤੀਆਂ ਹਨ। ਰਾਹਾ ਦੀ ਪਹਿਲੀ ਦੀਵਾਲੀ ਮੌਕੇ ਮੰਮੀ-ਪਾਪਾ ਆਪਣੀ ਲਾਡਲੀ ਨਾਲ ਤਿਉਹਾਰ ਮਨਾਉਂਦੇ ਦਿਖਾਈ ਦਿੱਤੇ। ਆਲੀਆ ਨੇ ਹਲਕੇ ਗੁਲਾਬੀ ਰੰਗ ਦਾ ਸਲਵਾਰ ਸੂਟ ਪਾਇਆ ਸੀ। ਦੀਵਾ ਨੇ ਆਪਣੇ ਸੂਟ ਨੂੰ ਸਕਾਈ ਬਲੂ ਦੁਪੱਟੇ ਨਾਲ ਪੇਅਰ ਕੀਤਾ ਹੋਇਆ ਸੀ। ਹਲਕਾ ਮੇਕਅਪ, ਸਟੱਡ ਈਅਰਰਿੰਗਸ ਦੀ ਇੱਕ ਜੋੜੀ, ਇੱਕ ਬਨ ਹੇਅਰ ਸਟਾਈਲ ਅਤੇ ਇੱਕ ਬਿੰਦੀ ਨੇ ਆਲੀਆ ਦੀ ਲੁੱਕ ਨੂੰ ਚਾਰ ਚੰਦ ਲਗਾ ਰਹੀ ਸੀ। ਦੂਜੇ ਪਾਸੇ ਰਣਬੀਰ ਸੈਲਫੀ ਡਿਜ਼ਾਈਨ ਅਤੇ ਵੇਵ ਪੈਟਰਨ ਵਾਲੇ ਛੋਟੇ ਪੇਸਟਲ ਰੰਗ ਦੇ ਕੁੜਤੇ ‘ਚ ਖੂਬਸੂਰਤ ਲੱਗ ਰਹੇ ਸਨ।
ਇਸ ਤੋਂ ਇਲਾਵਾ ਆਲੀਆ-ਰਣਬੀਰ ਦੀਆਂ ਕੁਝ ਖੂਬਸੂਰਤ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇੱਕ ਤਸਵੀਰ ਵਿੱਚ ਆਲੀਆ ਰਣਬੀਰ ਦੀਆਂ ਬਾਹਾਂ ਵਿੱਚ ਨਜ਼ਰ ਆ ਰਹੀ ਹੈ। ਦੂਜੀ ਤਸਵੀਰ ‘ਚ ਰਣਬੀਰ ਆਲੀਆ ਨੂੰ ਉਸ ਦੀਆਂ ਗੱਲ੍ਹਾਂ ‘ਤੇ ਕਿੱਸ ਕਰ ਰਹੇ ਹਨ। ਉਨ੍ਹਾਂ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ।