ਵਾਨਖੇੜੇ ਸਟੇਡੀਅਮ ‘ਚ ਮਹਾਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਦੇ ਸ਼ਾਨਦਾਰ ਬੁੱਤ ਸਥਾਪਿਤ
![](http://mehakewattan.com/wp-content/uploads/2023/11/2023_11image_18_36_097819231sachin5-ll.jpg)
ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਨੇ ਵਾਨਖੇੜੇ ਸਟੇਡੀਅਮ ਵਿੱਚ ਮਹਾਨ ਕ੍ਰਿਕਟਰ ਮਾਸਟਰ ਬਲਾਸਟਰ ਭਾਰਤ ਰਤਨ ਸਚਿਨ ਤੇਂਦੁਲਕਰ ਦੇ ਸ਼ਾਨਦਾਰ ਬੁੱਤ ਦੀ ਘੁੰਢ ਚੁਕਾਈ ਕੀਤੀ। ਭਾਰਤ ਰਤਨ ਸਚਿਨ ਤੇਂਦੁਲਕਰ ਆਪਣੇ ਪਰਿਵਾਰ ਨਾਲ ਸਮਾਗਮ ‘ਚ ਮੌਜੂਦ ਸਨ। ਖੇਡ ਅਤੇ ਯੁਵਾ ਭਲਾਈ ਮੰਤਰੀ ਸੰਜੇ ਬੰਸੋਡੇ, ਸੀਨੀਅਰ ਨੇਤਾ ਸੰਸਦ ਮੈਂਬਰ ਸ਼ਰਦ ਪਵਾਰ, ਬੀ. ਸੀ. ਸੀ. ਆਈ. ਦੇ ਉਪ ਪ੍ਰਧਾਨ ਰਾਜੀਵ ਸ਼ੁਕਲਾ, ਬੀ. ਸੀ. ਸੀ. ਆਈ. ਸਕੱਤਰ ਜੈ ਸ਼ਾਹ, ਬੀ. ਸੀ. ਸੀ. ਆਈ. ਦੇ ਖਜ਼ਾਨਚੀ ਵਿਧਾਇਕ ਐਡਵੋਕੇਟ ਡਾ. ਆਸ਼ੀਸ਼ ਸ਼ੇਲਾਰ, ਮੁੰਬਈ ਕ੍ਰਿਕਟ ਐਸੋਸੀਏਸ਼ਨ ਦੇ ਪ੍ਰਧਾਨ ਅਮੋਲ ਕਾਲੇ, ਸਕੱਤਰ ਅਜਿੰਕਿਆ ਨਾਇਕ, ਸੰਯੁਕਤ ਸਕੱਤਰ ਦੀਪਕ ਪਾਟਿਲ, ਮੁੰਬਈ ਕ੍ਰਿਕਟ ਐਸੋਸੀਏਸ਼ਨ ਦੇ ਅਧਿਕਾਰੀ, ਮੈਂਬਰ ਆਦਿ ਹਾਜ਼ਰ ਸਨ।
ਮੁੰਬਈ ਕ੍ਰਿਕਟ ਸੰਘ ਵੱਲੋਂ ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਦਾ 22 ਫੁੱਟ ਦਾ ਬੁੱਤ ਵਾਨਖੇੜੇ ਸਟੇਡੀਅਮ ਵਿੱਚ ਲਗਾਇਆ ਗਿਆ ਹੈ। ਇਸ ਬੁੱਤ ਨੂੰ ਅੰਤਰਰਾਸ਼ਟਰੀ ਮੂਰਤੀਕਾਰ ਪ੍ਰਮੋਦ ਕਾਂਬਲੇ ਨੇ ਬਣਾਇਆ ਹੈ। ਦੱਸ ਦੇਈਏ ਕਿ 2014 ਵਿੱਚ ਭਾਰਤ ਰਤਨ ਨਾਲ ਸਨਮਾਨਿਤ ਤੇਂਦੁਲਕਰ 200 ਟੈਸਟ ਮੈਚਾਂ ਵਿੱਚ 15,921 ਦੌੜਾਂ, 18,426 ਵਨਡੇ ਸਕੋਰਾਂ ਦੇ ਨਾਲ ਇੱਕ ਤਜਰਬੇਕਾਰ ਖਿਡਾਰੀ ਹਨ ਅਤੇ ਉਨ੍ਹਾਂ ਨੇ ਵਾਨਖੇੜੇ ਸਟੇਡੀਅਮ ਵਿੱਚ ਆਪਣਾ ਵਿਦਾਇਗੀ ਮੈਚ ਖੇਡਿਆ, ਜਿਸ ਨਾਲ ਦੋ ਦਹਾਕਿਆਂ ਤੋਂ ਵੱਧ ਦੇ ਉਨ੍ਹਾਂ ਦੇ ਕ੍ਰਿਕਟ ਕਰੀਅਰ ਦਾ ਅੰਤ ਹੋਇਆ।