ਪਾਰੁਲ ਚੌਧਰੀ ਨੇ 5000 ਮੀਟਰ ਦੌੜ ‘ਚ ਜਿੱਤਿਆ ਸੋਨ ਤਮਗਾ

ਪਾਰੁਲ ਚੌਧਰੀ ਨਾਟਕੀ ਅੰਦਾਜ਼ ਵਿਚ 2023 ਏਸ਼ੀਆਈ ਖੇਡਾਂ ਵਿਚ ਔਰਤਾਂ ਦੀ 5000 ਮੀਟਰ ਦੌੜ ਵਿਚ ਸੋਨ ਤਮਗਾ ਜਿੱਤਣ ਵਾਲੀ ਤੀਜੀ ਭਾਰਤੀ ਟ੍ਰੈਕ ਐਂਡ ਫੀਲਡ ਐਥਲੀਟ ਬਣ ਗਈ ਹੈ। ਪਾਰੁਲ ਜਾਪਾਨ ਦੀ ਰਿਰੀਕਾ ਹਿਰੋਨਾਕਾ ਨੂੰ ਪਿੱਛੇ ਛੱਡਣ ਤੋਂ ਪਹਿਲਾਂ ਜ਼ਿਆਦਾਤਰ ਸਮੇਂ ਤਕ ਰੇਸ ਵਿੱਚ ਪਛੜ ਰਹੀ ਸੀ।

ਪਾਰੁਲ ਪਿਛਲੇ ਕੁਝ ਮੀਟਰਾਂ ਤੱਕ ਹੀਰੋਨਾਕਾ ਤੋਂ ਪਛੜ ਰਹੀ ਸੀ, ਪਰ ਉਹ ਅੱਗੇ ਹੋ ਕੇ ਸੋਨ ਤਗਮਾ ਜਿੱਤਣ ‘ਚ ਸਫਲ ਰਹੀ। ਪਾਰੁਲ ਨੇ ਮੰਗਲਵਾਰ ਨੂੰ 15:14.75 ਦਾ ਸਮਾਂ ਰਿਕਾਰਡ ਕੀਤਾ। ਇਸ ਤੋਂ ਪਹਿਲਾਂ ਉਸ ਨੇ 3000 ਮੀਟਰ ਮਹਿਲਾ ਸਟੀਪਲਚੇਜ਼ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ।

ਸ਼ਾਟ ਪੁਟਰ ਤਜਿੰਦਰਪਾਲ ਸਿੰਘ ਤੂਰ ਅਤੇ ਪੁਰਸ਼ਾਂ ਦੀ 3000 ਮੀਟਰ ਸਟੀਪਲਚੇਜ਼ ਜੇਤੂ ਅਵਿਨਾਸ਼ ਸਾਬਲੇ ਦੁਆਰਾ ਜਿੱਤੇ ਗਏ ਤਗਮਿਆਂ ਵਿੱਚ ਸ਼ਾਮਲ ਹੋ ਕੇ ਪਾਰੁਲ ਦਾ ਸੋਨ 2023 ਏਸ਼ੀਆਈ ਖੇਡਾਂ ਵਿੱਚ ਟਰੈਕ ਅਤੇ ਫੀਲਡ ਵਿੱਚ ਭਾਰਤ ਦਾ ਤੀਜਾ ਸੋਨ ਤਗਮਾ ਹੈ। ਤੂਰ ਨੇ ਆਪਣੇ ਏਸ਼ੀਅਨ ਖੇਡਾਂ ਦੇ ਸੋਨ ਤਮਗੇ ਦਾ ਬਚਾਅ ਕੀਤਾ ਜਦੋਂ ਕਿ ਸਾਬਲੇ ਨੇ ਖੇਡਾਂ ਦਾ ਰਿਕਾਰਡ ਤੋੜਦੇ ਹੋਏ ਆਸਾਨੀ ਨਾਲ ਜਿੱਤ ਹਾਸਲ ਕੀਤੀ।