ਰੰਗ ਮੰਚ ਦੇ ਨਿਰਦੇਸ਼ਕ-ਅਦਾਕਾਰ ਆਮਿਰ ਰਜ਼ਾ ਹੁਸੈਨ ਦਾ ਦਿਹਾਂਤ

ਨਵੀਂ ਦਿੱਲੀ – ਸਿਨੇਮਾ ਜਗਤ ਦੇ ਮਸ਼ਹੂਰ ਨਿਰਦੇਸ਼ਕ-ਅਦਾਕਾਰ ਆਮਿਰ ਰਜ਼ਾ ਹੁਸੈਨ ਦਾ 66 ਸਾਲ ਦੀ ਉਮਰ ’ਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਦੇ ਪੁੱਤਰ ਨੇ ਦੱਸਿਆ ਕਿ ਹੁਸੈਨ ਦਿਲ ਨਾਲ ਸਬੰਧਤ ਰੋਗ ਤੋਂ ਪੀੜਤ ਸਨ ਅਤੇ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ। ਸਵਰਗਵਾਸੀ ਅਦਾਕਾਰ ਦੇ ਪੁੱਤਰ ਗੁਲਾਮ ਅਲੀ ਅੱਬਾਸ ਨੇ ਦੱਸਿਆ, ”ਉਹ ਦੋ ਦਿਨਾਂ ਤੋਂ ਹਸਪਤਾਲ ‘ਚ ਭਰਤੀ ਸਨ ਅਤੇ ਉਨ੍ਹਾਂ ਦੀ ਦਿਲ ਨਾਲ ਸਬੰਧਤ ਸਰਜਰੀ ਕੀਤੀ ਗਈ ਸੀ ਪਰ ਉਹ ਸਫਲ ਨਹੀਂ ਹੋਈ।” ਆਮਿਰ ਰਜ਼ਾ ਹੁਸੈਨ ਨੇ ਆਪਣੇ ਰੰਗ ਮੰਚ ਸਬੰਧੀ ਕਰੀਅਰ ‘ਚ 1,000 ਤੋਂ ਜ਼ਿਆਦਾ ਨਾਟਕਾਂ ‘ਚ ਅਦਾਕਾਰੀ ਕੀਤੀ ਅਤੇ ਲਗਭਗ 91 ਨਾਟਕਾਂ ਦਾ ਨਿਰਮਾਣ ਕੀਤਾ। ਖ਼ਬਰਾਂ ਮੁਤਾਬਕ, ਆਮਿਰ ਰਜ਼ਾ ਹੁਸੈਨ ਦਾ ਦਿੱਲੀ ਸਥਿਤ ਘਰ ‘ਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ ਸ਼ਨੀਵਾਰ 3 ਜੂਨ ਨੂੰ ਆਖ਼ਰੀ ਸਾਹ ਲਿਆ। ਆਮਿਰ ਰਜ਼ਾ ਹੁਸੈਨ ਦੀ ਮੌਤ ਤੋਂ ਬਾਅਦ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ।