14 ਦਵਾਈਆਂ ਦੀ ਫਿਕਸਡ-ਡੋਜ਼ ’ਤੇ ਲੱਗੀ ਪਾਬੰਦੀ
![](http://mehakewattan.com/wp-content/uploads/2023/06/2023_6image_20_19_4777005261212-ll.jpg)
ਨਵੀਂ ਦਿੱਲੀ : ਭਾਰਤ ਸਰਕਾਰ ਸਮੇਂ-ਸਮੇਂ ’ਤੇ ਦੇਸ਼ ’ਚ ਵਿਕਣ ਵਾਲੀਆਂ ਦਵਾਈਆਂ ਦੀ ਸਮੀਖਿਆ ਕਰਦੀ ਰਹਿੰਦੀ ਹੈ। ਇਸ ਵਾਰ ਸਰਕਾਰ ਨੇ 14 ਤਰੀਕੇ ਦੀਆਂ ਦਵਾਈਆਂ ਦੇ ਫਿਕਸਡ-ਡੋਜ਼ ਕੰਬੀਨੇਸ਼ਨ (ਐੱਫਡੀਸੀ) ’ਤੇ ਪਾਬੰਦੀ ਲਾਈ ਹੈ। ਇਕ ਐਕਸਪੋਰਟ ਕਮੇਟੀ ਨੇ ਦੇਖਿਆ ਕਿ ਇਸ ਨਾਲ ਆਮ ਲੋਕਾਂ ਦੀ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ, ਇਸ ਲਈ ਸਰਕਾਰ ਨੇ ਇਨ੍ਹਾਂ 14 ਦਵਾਈਆਂ ਦੇ ਕੰਬੀਨੇਸ਼ਨ ’ਤੇ ਪਾਬੰਦੀ ਲਗਾਉਣ ਦਾ ਫ਼ੈਸਲਾ ਕੀਤਾ ਹੈ।
ਐਕਸਪਰਟ ਕਮੇਟੀ ਨੇ ਦੱਸਿਆ ਕਿ ਇਨ੍ਹਾਂ 14 ਫਿਕਸ ਦਵਾਈ ਕੰਬੀਨੇਸ਼ਨ ਨਾਲ ਲੋਕਾਂ ਦੀ ਸਿਹਤ ਨੂੰ ਕੋਈ ਫਾਇਦਾ ਹੋ ਰਿਹਾ ਹੈ, ਇਸ ਜਾਣਕਾਰੀ ਦੀ ਪੁਸ਼ਟੀ ਨਹੀਂ ਹੋ ਸਕੀ, ਨਾ ਹੀ ਇਸ ਦਾ ਕੋਈ ਜਸਟੀਫਿਕੇਸ਼ਨ ਮਿਲਿਆ ਹੈ, ਇਸ ਲਈ ਦਵਾਈ ਕੰਬੀਨੇਸ਼ਨ ਨੂੰ ਬੈਨ ਕਰਨ ਦਾ ਫ਼ੈਸਲਾ ਕੀਤਾ ਗਿਆ।
ਆਮ ਤੌਰ ’ਤੇ ਕਿਸੇ ਐੱਫਡੀਸੀ ‘ਚ 2 ਜਾਂ ਇਸ ਤੋਂ ਵੱਧ ਐਕਟਿਵ ਇੰਗ੍ਰਿਡੀਐਂਟਸ ਮਿਲਾ ਕੇ ਦਵਾਈ ਤਿਆਰ ਕੀਤੀ ਜਾਂਦੀ ਹੈ। ਇਹ ਇੰਗ੍ਰਿਡੀਐਂਟਸ ਇਕ ਫਿਕਸ ਅਨੁਪਾਤ ’ਚ ਮਿਲਾਏ ਜਾਂਦੇ ਹਨ ਅਤੇ ਉਸੇ ਅਨੁਪਾਤ ਦੇ ਆਧਾਰ ’ਤੇ ਦਵਾਈ ਤਿਆਰ ਹੁੰਦੀ ਹੈ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)
ਸਰਕਾਰ ਨੇ ਇਸ ਨੂੰ ਲੈ ਕੇ ਜੋ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ, ਉਸ ਦੇ ਹਿਸਾਬ ਨਾਲ ਐਕਸਪਰਟ ਕਮੇਟੀ ਦਾ ਕਹਿਣਾ ਹੈ ਕਿ ਇਕ ਤਾਂ ਇਨ੍ਹਾਂ ਦਵਾਈ ਕੰਬੀਨੇਸ਼ਨ ਨਾਲ ਸਿਹਤ ਲਾਭ ਹੋਣ ਦੇ ਪੁਖਤਾ ਸਬੂਤ ਨਹੀਂ ਹਨ, ਦੂਜਾ ਇਸ ਨਾਲ ਮਨੁੱਖੀ ਸਿਹਤ ਨੂੰ ‘ਜੋਖਮ’ ਹੋਣ ਦਾ ਖਦਸ਼ਾ ਵੀ ਹੈ, ਇਸ ਲਈ ਸਰਕਾਰ ਨੇ ਵੱਡੇ ਪੈਮਾਨੇ ’ਤੇ ਮਾਨਵਤਾ ਦੇ ਹਿੱਤ ’ਚ ਇਨ੍ਹਾਂ ਦਵਾਈ ਕੰਬੀਨੇਸ਼ਨ ਨੂੰ ਬੈਨ ਕਰਨ ਦਾ ਫ਼ੈਸਲਾ ਲਿਆ ਹੈ।
ਸਰਕਾਰ ਨੇ ਡਰੱਗਜ਼ ਐਂਡ ਕਾਸਮੈਟਿਕ ਐਕਟ-1940 ਦੀ ਧਾਰਾ 26-ਏ ਤਹਿਤ ਐੱਫਡੀਸੀ ਦੀ ਮੈਨੂਫੈਕਚਰਿੰਗ, ਸੇਲ ਅਤੇ ਡਿਸਟ੍ਰੀਬਿਊਸ਼ਨ ’ਤੇ ਪਾਬੰਦੀ ਲਾ ਦਿੱਤੀ ਹੈ। ਹੁਣ ਇਨ੍ਹਾਂ ਦਵਾਈ ਕੰਬੀਨੇਸ਼ਨ ਦੇ ਮਰੀਜ਼ਾਂ ’ਤੇ ਇਸਤੇਮਾਲ ਨੂੰ ਜਸਟੀਫਾਈ ਨਹੀਂ ਕੀਤਾ ਜਾ ਸਕਦਾ। ਇਸ ਤੋਂ ਪਹਿਲਾਂ ਸਰਕਾਰ ਦੇਸ਼ ’ਚ 344 ਕੈਟਾਗਰੀ ਦੇ ਐੱਫਡੀਸੀ ਨੂੰ ਬੈਨ ਕਰ ਚੁੱਕੀ ਹੈ। ਹਾਲਾਂਕਿ, ਇਨ੍ਹਾਂ ’ਚੋਂ ਕਈ ਮਾਮਲਿਆਂ ’ਚ ਕੰਪਨੀਆਂ ਨੇ ਸਰਕਾਰ ਦੇ ਫ਼ੈਸਲੇ ਨੂੰ ਵੱਖ-ਵੱਖ ਅਦਾਲਤਾਂ ’ਚ ਚੁਣੌਤੀ ਦਿੱਤੀ ਹੈ।