ਆਸਟ੍ਰੇਲੀਆ : ਪੁਲਸ ਨੇ ਬਰਾਮਦ ਕੀਤੀ 136 ਕਿਲੋਗ੍ਰਾਮ ਭੰਗ

ਆਸਟ੍ਰੇਲੀਆ ਵਿਖੇ ਪੁਲਸ ਨੇ ਗੋਲਡ ਕੋਸਟ ਵਿਚ ਇੱਕ ਟਰੱਕ ਦੇ ਪਿਛਲੇ ਹਿੱਸੇ ਵਿੱਚ ਕਥਿਤ ਤੌਰ ‘ਤੇ 100 ਕਿਲੋਗ੍ਰਾਮ ਤੋਂ ਵੱਧ ਕੈਨਾਬਿਸ ਮਿਲਣ ਤੋਂ ਬਾਅਦ ਕੁਈਨਜ਼ਲੈਂਡ ਦੇ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਚਾਰਜ ਕੀਤਾ। ਅਧਿਕਾਰੀਆਂ ਨੇ ਦੋਸ਼ ਲਗਾਇਆ ਕਿ ਇੱਕ 42 ਸਾਲਾ ਵਿਅਕਤੀ 136 ਕਿਲੋਗ੍ਰਾਮ ਮਾਰਿਜੁਆਨਾ ਮੈਲਬੌਰਨ ਤੋਂ ਕੁਈਨਜ਼ਲੈਂਡ ਤੱਕ ਲੈ ਗਿਆ ਅਤੇ ਉਸ ਨੇ ਇਸ ਨੂੰ ਹਿਨੋ ਪੈਨਟੇਕ ਟਰੱਕ ਦੇ ਪਿਛਲੇ ਹਿੱਸੇ ਵਿੱਚ ਲੁਕੋਇਆ ਹੋਇਆ ਸੀ।

ਪੁਲਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਟਰੱਕ ਦੇ ਪਿਛਲੇ ਹਿੱਸੇ ਵਿੱਚ ਤਾੜ ਦੇ ਪੱਤਿਆਂ ਹੇਠਾਂ ਨਸ਼ੀਲੇ ਪਦਾਰਥ ਮਿਲੇ, ਜਦੋਂ ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਏਲਾਨੋਰਾ ਵਿੱਚ ਦੁਪਹਿਰ 12:45 ਵਜੇ ਵਾਹਨ ਦੀ ਤਲਾਸ਼ੀ ਲਈ। ਮੁਟਦਾਪਿਲੀ ਤੋਂ 42 ਸਾਲਾ ਡਰਾਈਵਰ ਨੂੰ ਪੁਲਸ ਦੁਆਰਾ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਸ ‘ਤੇ ਅਨੁਸੂਚੀ ਤਿੰਨ ਤੋਂ ਵੱਧ ਖ਼ਤਰਨਾਕ ਨਸ਼ੀਲੇ ਪਦਾਰਥ (ਕੈਨਾਬਿਸ) ਰੱਖਣ ਦਾ ਦੋਸ਼ ਲਗਾਇਆ ਗਿਆ। ਉਸ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਸੀ। ਫਿਲਹਾਲ ਸ਼ਖ਼ਸ ਦੀ ਪਛਾਣ ਜਾਰੀ ਨਹੀਂ ਕੀਤੀ ਗਈ ਹੈ।