Unacademy ਦਾ ਛਾਂਟੀ ਦਾ ਚੌਥਾ ਦੌਰ, 380 ਮੁਲਾਜ਼ਮਾਂ ਦੀ ਖੋਹੀ ਨੌਕਰੀ

ਮੁੰਬਈ – ਐਡਟੈਕ ਸੈਕਟਰ ਦੀ ਦੂਜੀ ਸਭ ਤੋਂ ਵੱਡੀ ਭਾਰਤੀ ਕੰਪਨੀ ਯੂਨਾਅਕੈਡਮੀ ਨੂੰ ਇੱਕ ਵਾਰ ਫਿਰ ਛਾਂਟੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਛਾਂਟੀ ਦੇ ਇਸ ਚੌਥੇ ਦੌਰ ਵਿੱਚ, ਕੰਪਨੀ ਨੇ ਆਪਣੇ ਲਗਭਗ 12 ਪ੍ਰਤੀਸ਼ਤ ਕਰਮਚਾਰੀਆਂ ਯਾਨੀ 380 ਕਰਮਚਾਰੀਆਂ ਨੂੰ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਹੈ। ਸਾਫਟਬੈਂਕ-ਬੈਕਡ ਇਸ ਯੂਨੀਕੋਰਨ ਨੇ ਆਖਰੀ ਵਾਰ ਨਵੰਬਰ ਵਿੱਚ 350 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਿਆ ਸੀ।

ਯੂਨਾਅਕੈਡਮੀ ਦੇ ਸਹਿ-ਸੰਸਥਾਪਕ ਅਤੇ ਸੀਈਓ ਗੌਰਵ ਮੁੰਜਾਲ ਨੇ ਕਰਮਚਾਰੀਆਂ ਨੂੰ ਇੱਕ ਨੋਟ ਵਿੱਚ ਕਿਹਾ, “ਅਸੀਂ ਆਪਣੇ ਮੁੱਖ ਕਾਰੋਬਾਰ ਨੂੰ ਲਾਭਦਾਇਕ ਬਣਾਉਣ ਲਈ ਸਹੀ ਦਿਸ਼ਾ ਵਿੱਚ ਹਰ ਕਦਮ ਚੁੱਕਿਆ ਹੈ, ਪਰ ਇਹ ਕਾਫ਼ੀ ਨਹੀਂ ਹੈ। ਅਸੀਂ ਹੋਰ ਅੱਗੇ ਜਾਣਾ ਹੈ, ਅੱਗੇ ਵਧਣਾ ਹੈ। ਸਾਨੂੰ ਡੂੰਘਾਈ ਵਿੱਚ ਜਾਣਾ ਪਵੇਗਾ।

ਉਸਨੇ ਨੋਟ ਵਿੱਚ ਕਿਹਾ ਬਦਕਿਸਮਤੀ ਨਾਲ, ਇਸ ਨੇ ਮੈਨੂੰ ਇੱਕ ਹੋਰ ਮੁਸ਼ਕਲ ਫੈਸਲਾ ਲੈਣ ਲਈ ਪ੍ਰੇਰਿਤ ਕੀਤਾ। ਅਸੀਂ ਆਪਣੀ ਟੀਮ ਦੇ ਆਕਾਰ ਨੂੰ 12% ਤੱਕ ਘਟਾਵਾਂਗੇ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਅਸੀਂ ਇਹਨਾਂ ਬਦਲੀਆਂ ਹੋਈਆਂ ਸਥਿਤੀਆਂ ਵਿੱਚ ਵੀ ਆਪਣੇ ਟੀਚਿਆਂ ਨੂੰ ਪੂਰਾ ਕਰ ਸਕਦੇ ਹਾਂ।