WPL 2023 : ਯੂਪੀ ਨੇ ਦਿੱਲੀ ਨੂੰ ਦਿੱਤਾ 139 ਦੌੜਾਂ ਦਾ ਟੀਚਾ

ਯੂਪੀ ਵਾਰੀਅਰਜ਼ ਅਤੇ ਦਿੱਲੀ ਕੈਪੀਟਲਸ ਵਿਚਾਲੇ ਮਹਿਲਾ ਪ੍ਰੀਮੀਅਰ ਲੀਗ ਦਾ 20ਵਾਂ ਮੈਚ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ‘ਚ ਖੇਡਿਆ ਜਾ ਰਿਹਾ ਹੈ। ਦਿੱਲੀ ਨੇ ਟਾਸ ਜਿੱਤ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਯੂਪੀ ਨੇ ਨਿਰਧਾਰਤ 20 ਓਵਰਾਂ ‘ਚ 6 ਵਿਕਟਾਂ ਗੁਆ ਕੇ 138 ਦੌੜਾਂ ਬਣਾਈਆਂ। ਇਸ ਤਰ੍ਹਾਂ ਯੂਪੀ ਨੇ ਦਿੱਲੀ ਨੂੰ ਜਿੱਤ ਲਈ 139 ਦੌੜਾਂ ਦਾ ਟੀਚਾ ਦਿੱਤਾ।

ਯੂਪੀ ਲਈ ਕਪਤਾਨ ਐਲਿਸਾ ਹੀਲੀ ਨੇ 36 ਦੌੜਾਂ, ਟਾਹਲੀਆ ਮੈਕਗ੍ਰਾਥ ਨੇ 58  ਦੌੜਾਂ, ਸ਼ਵੇਤਾ ਸਹਿਵਾਰਤ ਨੇ 19 ਦੌੜਾਂ, ਸਿਮਰਨ ਸ਼ੇਖ ਨੇ 11 ਦੌੜਾਂ, ਕਿਰਨ ਨਵਗੀਰੇ ਨੇ 2 ਦੌੜਾਂ ਬਣਾਈਆਂ। ਦਿੱਲੀ ਵਲੋਂ ਜੇਸ ਜੋਨਾਸਨ ਨੇ 1 ਵਿਕਟ, ਰਾਧਾ ਯਾਦਵ ਨੇ 2 ਵਿਕਟਾਂ, ਐਲਿਸ ਕੈਪਸੀ ਨੇ 3 ਵਿਕਟਾਂ ਲਈਆਂ। ਦਿੱਲੀ ਅਤੇ ਯੂਪੀ ਦੋਵਾਂ ਨੇ ਆਪਣੇ ਪਿਛਲੇ ਮੈਚ ਜਿੱਤੇ ਹਨ। ਇਸ ਲਈ ਦੋਵੇਂ ਟੀਮਾਂ ਆਤਮਵਿਸ਼ਵਾਸ ਨਾਲ ਭਰੀਆਂ ਹੋਣਗੀਆਂ।

ਟੂਰਨਾਮੈਂਟ ਦੀ ਸ਼ੁਰੂਆਤ ਤੋਂ ਬਾਅਦ ਬ੍ਰੇਬੋਰਨ ਸਟੇਡੀਅਮ ਦੀ ਪਿੱਚ ਕਾਫੀ ਧੀਮੀ ਹੋ ਗਈ ਹੈ। ਗੇਂਦਬਾਜ਼ੀ ਹਮਲੇ ‘ਤੇ ਸਪਿਨਰਾਂ ਨੇ ਹਾਵੀ ਹੋਣਾ ਸ਼ੁਰੂ ਕਰ ਦਿੱਤਾ ਹੈ। ਹਾਲਾਂਕਿ, ਆਖਰੀ ਮੈਚ ਵਿੱਚ ਇਹ ਦੇਖਿਆ ਗਿਆ ਕਿ ਯੂਪੀ ਵਾਰੀਅਰਜ਼ ਦੇ ਬੱਲੇਬਾਜ਼ਾਂ ਦੀਆਂ ਦੌੜਾਂ ਬਣਾਉਣ ਤੋਂ ਬਾਅਦ ਆਰਸੀਬੀ ਨੇ 16 ਓਵਰਾਂ ਵਿੱਚ 188 ਦੌੜਾਂ ਦਾ ਪਿੱਛਾ ਕੀਤਾ। ਮੈਚ ਦੌਰਾਨ ਮੀਂਹ ਦੀ ਸੰਭਾਵਨਾ 4 ਫੀਸਦੀ ਹੈ। ਮੌਸਮ 25 ਤੋਂ 30 ਡਿਗਰੀ ਦੇ ਵਿਚਕਾਰ ਰਹੇਗਾ। ਨਮੀ 74 ਫੀਸਦੀ ਰਹੇਗੀ ਜਦਕਿ ਹਵਾਵਾਂ 11 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਣਗੀਆਂ।