ਗਾਇਕਾ ਗੁਰਲੇਜ ਅਖ਼ਤਰ ਨੇ ਇੰਝ ਮਨਾਈ ਨੰਨ੍ਹੀ ਧੀ ਦੀ 13ਵੇਂ ਦੀ ਰਸਮ
![](http://mehakewattan.com/wp-content/uploads/2023/03/2023_3image_17_21_189249260gurlej-ll.jpg)
ਜਲੰਧਰ – ਪੰਜਾਬੀ ਗਾਇਕਾ ਗੁਰਲੇਜ ਅਖ਼ਤਰ ਤੇ ਗਾਇਕ ਕੁਲਵਿੰਦਰ ਕੈਲੀ ਕੁਝ ਹਫ਼ਤੇ ਪਹਿਲਾ ਹੀ ਇਕ ਨੰਨ੍ਹੀ ਧੀ ਦੇ ਮਾਤਾ-ਪਿਤਾ ਬਣੇ ਹਨ। ਹਾਲਾਂਕਿ ਇਸ ਤੋਂ ਪਹਿਲਾ ਉਨ੍ਹਾਂ ਦਾ ਇਕ ਪੁੱਤਰ ਵੀ ਹੈ, ਜਿਸ ਦਾ ਨਾਂ ਦਾਨਵੀਰ ਸਿੰਘ ਹੈ। ਗੁਰਲੇਜ ਅਖ਼ਤਰ ਨੇ ਆਪਣੀ ਧੀ ਦਾ ਨਾਂ ਹਰਗੁਨਵੀਰ ਕੌਰ ਰੱਖਿਆ ਹੈ।
ਹਾਲ ਹੀ ‘ਚ ਗੁਰਲੇਜ ਅਖ਼ਤਰ ਨੇ ਆਪਣੀ ਨੰਨ੍ਹੀ ਧੀ ਦਾ ਇਕ ਵੀਡੀਓ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵੀ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਗੁਰਲੇਜ ਅਖ਼ਤਰ ਨੇ ਲਿਖਿਆ ਹੈ, ”ਵਾਹਿਗੁਰੂ ਜੀ ਦੀ ਕਿਰਪਾ ਨਾਲ ਹਰਗੁਨਵੀਰ ਕੌਰ ਅੱਜ 13 ਦਿਨ ਦੀ ਹੋ ਗਈ ਹੈ। ਬਾਬਾ ਜੀ ਲੱਖ ਲੱਖ ਸ਼ੂਕਰ ਐ ਕਿ ਤੂਸੀ ਸਾਨੂੰ ਧੀ ਦੀ ਦਾਤ ਬਕਸ਼ੀ ਆ। ਸ਼ੁਕਰ ਵਾਹਿਗੁਰੂ ਜੀ ਦਾ 🙏।”
ਗੁਰਲੇਜ ਅਖ਼ਤਰ ਪੋਸਟ ‘ਚ ਲਿਖਿਆ ਸੀ, ”ਅਸੀਂ ਅਧਿਕਾਰਕ ਤੌਰ ‘ਤੇ ਇਕ ਧੀ ਦੇ ਮਾਪੇ ਬਣ ਗਏ ਹਾਂ, ਜਿਸ ਨਾਲ ਸਾਡੀ ਜ਼ਿੰਦਗੀ ਪੂਰੀ ਹੋ ਗਈ ਹੈ। ਪ੍ਰਮਾਤਮਾ ਦਾ ਪਿਆਰੀ ਰਾਜਕੁਮਾਰੀ ਦੇਣ ਲਈ ਬਹੁਤ-ਬਹੁਤ ਧੰਨਵਾਦ। ਸਾਡਾ ਪੁੱਤਰ ਦਾਨਵੀਰ ਸਿੰਘ ਆਪਣੀ ਛੋਟੀ ਭੈਣ ਲਈ ਬੇਹੱਦ ਖ਼ੁਸ਼ ਹੈ।” ਗੁਰਲੇਜ ਅਖ਼ਤਰ ਦੀ ਇਸ ਪੋਸਟ ‘ਤੇ ਪੰਜਾਬੀ ਕਲਾਕਾਰ ਵੀ ਉਸ ਨੂੰ ਵਧਾਈਆਂ ਦੇ ਰਹੇ ਹਨ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)