ਅਰਜਨਟੀਨਾ ਓਪਨ ਦੇ ਫਾਈਨਲ ਵਿੱਚ ਅਲਕਾਰਾਜ਼ ਦੇ ਸਾਹਮਣੇ ਨੌਰੀ ਦੀ ਚੁਣੌਤੀ
February 20, 2023
ਚੋਟੀ ਦਾ ਦਰਜਾ ਪ੍ਰਾਪਤ ਕਾਰਲੋਸ ਅਲਕਾਰਾਜ਼ ਨੇ ਅਰਜਨਟੀਨਾ ਓਪਨ ਦੇ ਸੈਮੀਫਾਈਨਲ ‘ਚ ਬਰਨਾਬੀ ਜ਼ਪਾਟਾ ਮਿਰਾਲੇਸ ਨੂੰ ਹਰਾ ਕੇ ਕੈਮਰਨ ਨੌਰੀ ਨਾਲ ਖਿਤਾਬੀ ਮੁਕਾਬਲਾ ਤੈਅ ਕੀਤਾ। ਅਲਕਾਰਾਜ਼ ਨੇ ਸ਼ਨੀਵਾਰ ਨੂੰ ਸਪੇਨ ਦੇ ਦੋ ਖਿਡਾਰੀਆਂ ਦੇ ਦਰਮਿਆਨ ਸੈਮੀਫਾਈਨਲ ਮੈਚ ‘ਚ 6-2, 6-2 ਨਾਲ ਆਸਾਨ ਜਿੱਤ ਦਰਜ ਕੀਤੀ।
ਅਲਕਾਰਾਜ਼ ਯੂਐਸ ਓਪਨ ਖ਼ਿਤਾਬ ਜਿੱਤਣ ਤੋਂ ਬਾਅਦ ਪਹਿਲੀ ਵਾਰ ਕਿਸੇ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪਹੁੰਚਿਆ ਹੈ। ਫਾਈਨਲ ‘ਚ ਉਸ ਨੂੰ ਦੁਨੀਆ ਦੀ 12ਵੇਂ ਨੰਬਰ ਦੀ ਖਿਡਾਰੀ ਅਤੇ ਦੂਜਾ ਦਰਜਾ ਪ੍ਰਾਪਤ ਨੌਰੀ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
ਨੌਰੀ ਨੇ ਦੂਜੇ ਸੈਮੀਫਾਈਨਲ ਵਿੱਚ ਜੁਆਨ ਪਾਬਲੋ ਵਾਰੀਲਾਸ ਨੂੰ 7-6 (5), 6-4 ਨਾਲ ਹਰਾਇਆ। ਨੌਰੀ ਨੇ ਅਗਸਤ ਵਿੱਚ ਸਿਨਸਿਨਾਟੀ ਓਪਨ ਵਿੱਚ ਦੂਜੇ ਦਰਜੇ ਦੇ ਅਲਕਾਰਜ਼ ਨੂੰ ਹਰਾਇਆ ਸੀ ਪਰ ਦੋਵਾਂ ਖਿਡਾਰੀਆਂ ਵਿਚਾਲੇ ਚਾਰ ਮੈਚਾਂ ਵਿੱਚ ਇਹ ਉਸ ਦੀ ਇੱਕੋ ਇੱਕ ਜਿੱਤ ਸੀ।