ਜਾਸੂਸੀ ਗੁਬਾਰੇ ਨੂੰ ਲੈ ਕੇ ਆਸਟ੍ਰੇਲੀਆਈ ਮੰਤਰੀ ਨੇ ਜਾਰੀ ਕੀਤਾ ਬਿਆਨ

ਸਿਡਨੀ : ਆਸਟ੍ਰੇਲੀਆ ਦੇ ਉਪ ਪ੍ਰਧਾਨ ਮੰਤਰੀ ਰਿਚਰਡ ਮਾਰਲੇਸ ਨੇ ਜਾਸੂਸੀ ਗੁਬਾਰੇ ਸਬੰਧੀ ਇਕ ਬਿਆਨ ਜਾਰੀ ਕੀਤਾ। ਬਿਆਨ ਮੁਤਾਬਕ ਆਸਟ੍ਰੇਲੀਆ ਆਪਣੇ ਹਵਾਈ ਖੇਤਰ ਵਿਚ ਦਾਖਲ ਹੋਣ ਵਾਲੇ ਕਿਸੇ ਵੀ ਜਾਸੂਸੀ ਗੁਬਾਰੇ ਨਾਲ ਨਜਿੱਠਣ ਦੇ ਯੋਗ ਹੈ ਪਰ ਚੰਗੀ ਗੱਲ ਇਹ ਹੈ ਕਿ ਅਜੇ ਤੱਕ ਦੇਸ਼ ਨੂੰ ਅਜਿਹਾ ਨਹੀਂ ਕਰਨਾ ਪਿਆ ਹੈ।

ਮਾਰਲੇਸ ਨੇ ਕਿਹਾ ਕਿ ਇਸ ਸਬੰਧੀ ਹੋਏ ਖੁਲਾਸੇ ਕਿ “ਜਾਸੂਸੀ ਗੁਬਾਰੇ” ਹਾਲ ਹੀ ਵਿੱਚ ਉੱਤਰੀ ਅਮਰੀਕਾ ਵਿੱਚ ਨਸ਼ਟ ਕਰ ਦਿੱਤੇ ਗਏ ਹਨ ਅਤੇ ਸੰਭਾਵਤ ਤੌਰ ‘ਤੇ ਚੀਨੀ ਸਰਕਾਰ ਨਾਲ ਜੁੜੇ ਨਹੀਂ ਹਨ, ਦੇ ਸਬੰਧ ਵਿਚ ਇੱਕ ਰਹੱਸ ਬਣਿਆ ਹੋਇਆ ਹੈ, ਕਿਉਂਕਿ ਅਧਿਕਾਰੀ ਉਨ੍ਹਾਂ ਦੀ ਪਛਾਣ ਕਰਨ ਲਈ ਜਾਂਚ ਕਰ ਰਹੇ ਹਨ। ਮਾਰਲੇਸ ਨੇ ਟੂਡੇ ਨੂੰ ਦੱਸਿਆ ਕਿ “ਪਿਛਲੇ ਮਹੀਨੇ ਗੁਬਾਰਿਆਂ ਪ੍ਰਤੀ ਇਹ ਇੱਕ ਦਿਲਚਸਪ ਆਕਰਸ਼ਣ ਰਿਹਾ ਹੈ। ਪਰ ਇਸ ਦਾ ਇੱਕ ਗੰਭੀਰ ਪੱਖ ਵੀ ਹੈ।

ਮਾਰਲੇਸ ਨੇ ਕਿਹਾ ਕਿ ਸਰਕਾਰ ਨੂੰ ਜਾਣਕਾਰੀ ਦਿੱਤੀ ਗਈ ਸੀ ਕਿ ਆਸਟ੍ਰੇਲੀਆ ਵਿਚ ਅਜਿਹੇ ਕੋਈ ਨਿਗਰਾਨੀ ਯੰਤਰ ਦੀ ਪਛਾਣ ਨਹੀਂ ਕੀਤੀ ਗਈ ਹੈ। ਉਸ ਨੇ ਅੱਗੇ ਕਿਹਾ ਕਿ “ਸਾਡੇ ਕੋਲ ਅਜਿਹੇ ਕਿਸੇ ਵੀ ਗੁਬਾਰੇ ਨੂੰ ਟਰੈਕ ਕਰਨ ਦੀ ਸਮਰੱਥਾ ਹੈ ਅਤੇ ਸਾਡੇ ਕੋਲ ਇਸ ਨਾਲ ਨਜਿੱਠਣ ਦੀ ਸਮਰੱਥਾ ਹੈ। ਉੱਧਰ ਵਿਰੋਧੀ ਧਿਰ ਦੇ ਨੇਤਾ ਪੀਟਰ ਡਟਨ ਨੇ ਕਿਹਾ ਕਿ ਭਾਵੇਂ ਯੰਤਰ ਬੀਜਿੰਗ ਨਾਲ ਨਹੀਂ ਜੁੜੇ ਹੋਏ ਸਨ, ਫਿਰ ਵੀ ਉਹ ਅਮਰੀਕੀ ਹਵਾਈ ਖੇਤਰ ਵਿੱਚ ਬੇਰੋਕ ਤੈਰਦੇ ਹੋਏ ਜੋਖਮ ਪੈਦਾ ਕਰ ਸਕਦੇ ਹਨ – ਜਿਸ ਵਿੱਚ ਇੱਕ ਜਹਾਜ਼ ਨਾਲ ਸੰਭਾਵਿਤ ਟੱਕਰ ਵੀ ਸ਼ਾਮਲ ਹੈ। ਸਾਨੂੰ ਇਸ ਦੀ ਤਹਿ ਤੱਕ ਪਹੁੰੰਚ ਕਰਨੀ ਚਾਹੀਦੀ ਹੈ।