ਮੁੰਬਈ ਵਿਚ ਬਹੁਮੰਜ਼ਿਲਾ ਇਮਾਰਤ ਤੋਂ ਡਿੱਗੇ ਪੱਥਰ, 2 ਲੋਕਾਂ ਦੀ ਹੋਈ ਦਰਦਨਾਕ ਮੌਤ
February 15, 2023
![](http://mehakewattan.com/wp-content/uploads/2023/02/2023_1image_17_32_409994389death-ll-1.jpg)
ਮੁੰਬਈ: ਮੁੰਬਈ ਦੇ ਵਰਲੀ ਇਲਾਕੇ ਵਿਚ ਮੰਗਲਵਾਰ ਰਾਤ ਬਹੁਮੰਜ਼ਿਲਾ ਇਮਾਰ ਤੋਂ ਡਿੱਗੇ ਪੱਥਰ ਦੀ ਲਪੇਟ ਵਿਚ ਆਉਣ ਨਲਾ 2 ਲੋਕਾਂ ਦੀ ਮੌਤ ਹੋ ਗਈ। ਇਹ ਜਾਣਕਾਰੀ ਬੀ.ਐੱਮ.ਸੀ. ਦੇ ਇਕ ਅਧਿਕਾਰੀ ਨੇ ਸਾਂਝੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਇਹ ਘਟਨਾ ਗਾਂਧੀ ਨਗਰ ਇਲਾਕੇ ਵਿਚ ਫੋਰ ਸੀਜ਼ਨਸ ਹੋਟਲ ਨੇੜੇ 43 ਮੰਜ਼ਿਲਾ ਫੋਰ ਸੀਜ਼ਨਸ ਰੈਜ਼ੀਡੈਂਸੀ ਦੇ ਬਾਹਰ ਰਾਤ ਤਕਰੀਬਨ ਪੌਣੇ 9 ਵਜੇ ਵਾਪਰੀ। ਅਧਿਕਾਰੀ ਨੇ ਪੁਲਸ ਦੇ ਹਵਾਲੇ ਤੋਂ ਦੱਸਿਆ ਕਿ ਕਿਸੇ ਨਿਰਮਾਣ ਕਾਰਜ ਦੌਰਾਨ ਇਮਾਰਤ ਦੀ 42ਵੀਂ ਮੰਜ਼ਿਲ ਤੋਂ ਪੱਥਰ ਡਿੱਗਣ ਨਾਲ ਦੋ ਵਿਅਕਤੀ ਜ਼ਖ਼ਮੀ ਹੋ ਗਏ। ਮੌਕੇ ‘ਤੇ ਪਹੁੰਚੀ ਐਂਬੂਲੈਂਸ ਦੇ ਡਾਕਟਰ ਨੇ ਦੋਵਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।