ਵਿਆਹ ਦੇ ਬੰਧਨ ’ਚ ਬੱਝੇ ਗਾਇਕ ਬੀਰ ਸਿੰਘ

ਚੰਡੀਗੜ੍ਹ – ਆਪਣੀ ਮਿੱਠੀ ਆਵਾਜ਼ ਤੇ ਚੰਗੀ ਲਿਖਤ ਦੇ ਮਾਲਕ ਬੀਰ ਸਿੰਘ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ। ਸੋਸ਼ਲ ਮੀਡੀਆ ’ਤੇ ਬੀਰ

ਸਿੰਘ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜੋ ਬੇਹੱਦ ਖ਼ੂਬਸੂਰਤ ਹਨ। ਸੰਗੀਤਕਾਰ ਸਚਿਨ ਆਹੂਜਾ ਨੇ ਬੀਰ ਸਿੰਘ ਨੂੰ ਵਿਆਹ ਦੀ ਵਧਾਈ ਦਿੰਦਿਆਂ ਨਵੀਂ ਵਿਆਹੀ ਜੋੜੀ ਦੀ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਦੀ ਕੈਪਸ਼ਨ ’ਚ ਉਨ੍ਹਾਂ ਲਿਖਿਆ, ‘‘ਛੋਟੇ ਵੀਰ ਬੀਰ ਸਿੰਘ ਨੂੰ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ’ਤੇ ਬਹੁਤ ਮੁਬਾਰਕ ਤੇ ਦੁਆਵਾਂ। ਵਾਹਿਗੁਰੂ ਜੋੜੀ ਦਾ ਸਾਥ ਹਮੇਸ਼ਾ ਬਣਾਈ ਰੱਖਣ। ਬਹੁਤ ਸਾਰਾ ਪਿਆਰ।’’

ਦੱਸ ਦੇਈਏ ਕਿ ਬੀਰ ਸਿੰਘ ‘ਸਫਰਾਂ ’ਤੇ’, ‘ਮੁੰਡਾ ਸਰਦਾਰਾਂ ਦਾ’ ਤੇ ‘ਮੂਨ ਬਾਊਂਡ’ ਵਰਗੇ ਸੁਪਰਹਿੱਟ ਗੀਤਾਂ ਨੂੰ ਲਿਖ ਚੁੱਕੇ ਹਨ।

ਉਥੇ ਉਨ੍ਹਾਂ ਦੇ ਆਪਣੇ ਗਾਏ ਗੀਤਾਂ ’ਚ ‘ਤੂੰ ਤੇ ਮੈਂ’, ‘ਸਾਹ’ ਤੇ ‘ਜਿਥੇ ਮਾਲਕ ਰੱਖਦਾ’ ਵਰਗੇ ਗੀਤ ਸ਼ਾਮਲ ਹਨ।