ਕੀ ਸ਼ਾਹਰੁਖ ਖ਼ਾਨ ਦੇ ਘਰ ‘ਮੰਨਤ’ ‘ਚ ਲੱਗੀ ਹੈ ‘ਹੀਰਿਆਂ ਨਾਲ ਜੜੀ’ ਨੇਮ ਪਲੇਟ?

ਮੁੰਬਈ : ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖ਼ਾਨ ਦਾ ਬਾਂਦਰਾ ਸਥਿਤ ਬੰਗਲਾ ‘ਮੰਨਤ’ ਅਕਸਰ ਚਰਚਾ ਦਾ ਵਿਸ਼ਾ ਬਣਿਆ ਰਹਿੰਦਾ ਹੈ। ਹਾਲ ਹੀ ‘ਚ ਖ਼ਬਰ ਆਈ ਸੀ ਕਿ ਕਿੰਗ ਖ਼ਾਨ ਨੇ ਆਪਣੇ ਘਰ ਦੀ ਨੇਮ ਪਲੇਟ ‘ਚ ਕੁਝ ਬਦਲਾਅ ਕਰਦੇ ਹੋਏ ਹੀਰੇ ਨਾਲ ‘ਮੰਨਤ’ ਲਿਖਿਆ ਹੋਇਆ ਹੈ। ਸੋਸ਼ਲ ਮੀਡੀਆ ‘ਤੇ ਇਸ ਸਮੇਂ ਕਈ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜਿੱਥੇ ਪ੍ਰਸ਼ੰਸਕਾਂ ਦਾ ਕਹਿਣਾ ਹੈ ਕਿ ਸ਼ਾਹਰੁਖ ਦੇ ਘਰ ਦੇ ਬਾਹਰ ਲੱਗੀ ਨੇਮ ਪਲੇਟ ਹੀਰਿਆਂ ਨਾਲ ਜੜੀ ਹੋਈ ਹੈ। ਕਈ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜਿੱਥੇ ਪ੍ਰਸ਼ੰਸਕਾਂ ਦਾ ਕਹਿਣਾ ਹੈ ਕਿ ਸ਼ਾਹਰੁਖ ਦੇ ਘਰ ਦੇ ਬਾਹਰ ਲੱਗੀ ਨੇਮ ਪਲੇਟ ਹੀਰਿਆਂ ਨਾਲ ਜੜੀ ਹੋਈ ਹੈ। 

ਹਾਲਾਂਕਿ ਸ਼ਾਹਰੁਖ ਦੀ ਪਤਨੀ ਗੋਰੀ ਖ਼ਾਨ ਨੇ ਖੁਦ ਇੱਕ ਪੋਸਟ ‘ਚ ਸੱਚਾਈ ਦੱਸਦਿਆਂ ਆਪਣੇ ਇੰਸਟਾਗ੍ਰਾਮ ‘ਤੇ ਆਪਣੀ ਇਕ ਨਵੀਂ ਤਸਵੀਰ ਸ਼ੇਅਰ ਕੀਤੀ ਹੈ, ਜੋ ਮੰਨਤ ਦੇ ਗੇਟ ‘ਤੇ ਕਲਿੱਕ ਕੀਤੀ ਗਈ ਹੈ। ਇਸ ਤਸਵੀਰ ‘ਚ ਗੌਰੀ ਖ਼ਾਨ ਸਫੈਦ ਟਾਪ ਅਤੇ ਬਲਿਊ ਡੈਨਿਮ ‘ਤੇ ਬਲੈਕ ਬਲੇਜ਼ਰ ‘ਚ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਨੇ ਲਿਖਿਆ, ”ਤੁਹਾਡੇ ਘਰ ਦਾ ਮੁੱਖ ਦਰਵਾਜ਼ਾ ਤੁਹਾਡੇ ਪਰਿਵਾਰ ਅਤੇ ਦੋਸਤਾਂ ਲਈ ਐਂਟਰੀ ਪੁਆਇੰਟ ਹੈ। ਇਸ ਲਈ ਨੇਮ ਪਲੇਟ ਸਕਾਰਾਤਮਕ ਊਰਜਾ ਨੂੰ ਆਕਰਸ਼ਿਤ ਕਰਦੀ ਹੈ। ਅਸੀਂ ਕੱਚ ਦੇ ਕ੍ਰਿਸਟਲ (ਨੇਮ ਪਲੇਟ ਲਈ) ਵਾਲੀ ਇੱਕ ਪਾਰਦਰਸ਼ੀ ਸਮੱਗਰੀ ਚੁਣੀ ਹੈ, ਜੋ ਸਕਾਰਾਤਮਕ, ਮੂਡ ਨੂੰ ਵਧਾਉਣ ਵਾਲੀ ਅਤੇ ਸ਼ਾਂਤ ਕਰਨ ਵਾਲੀ ਵਾਈਬਸ ਦਿੰਦੀ ਹੈ।”

ਦੱਸਣਯੋਗ ਹੈ ਕਿ ਸ਼ਾਹਰੁਖ ਦੀ ਪਤਨੀ ਗੌਰੀ ਖ਼ਾਨ ਪੇਸ਼ੇ ਤੋਂ ਇੰਟੀਰੀਅਰ ਡਿਜ਼ਾਈਨਰ ਹੈ। ਉਸ ਨੇ ਆਪਣੇ ਬੰਗਲੇ ਨੂੰ ਖੂਬਸੂਰਤੀ ਨਾਲ ਸਜਾਇਆ ਹੈ। ਘਰ ਦੇ ਹਰ ਕੋਨੇ ਨੂੰ ਗੋਰੀ ਖ਼ਾਨ ਨੇ ਡਿਜ਼ਾਈਨ ਕੀਤਾ ਹੈ। ਸ਼ਾਹਰੁਖ ਖ਼ਾਨ ਨੇ ਖ਼ੁਦ ਇਸ ਗੱਲ ਦਾ ਖੁਲਾਸਾ ਕੀਤਾ ਸੀ। ਸ਼ਾਹਰੁਖ ਦਾ ਬੰਗਲਾ ਅੱਜ ਦੇ ਸਮੇਂ ‘ਚ ਸਭ ਤੋਂ ਮਹਿੰਗੀਆਂ ਜਾਇਦਾਦਾਂ ‘ਚੋਂ ਇੱਕ ਹੈ। ਇਸ ਘਰ ਦੀ ਕੀਮਤ 200 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਕੁਝ ਇਸ ਦੀ ਕੀਮਤ 350 ਕਰੋੜ ਰੁਪਏ ਦੱਸਦੇ ਹਨ। ਹਾਲਾਂਕਿ 27 ਹਜ਼ਾਰ ਫੁੱਟ ‘ਚ ਫੈਲੀ ‘ਮੰਨਤ’ ਨੂੰ ਸ਼ਾਹਰੁਖ ਨੇ ਸਿਰਫ਼ 13 ਕਰੋੜ ਰੁਪਏ ‘ਚ ਖਰੀਦਿਆ ਸੀ।