ਮੰਦਰ ਮੇਲੇ ਦੌਰਾਨ ਕਲਾਬਾਜ਼ੀ ਕਰਦੇ ਹੋਏ ਸਿਰ ਦੇ ਭਾਰ ਡਿੱਗਾ ਕਬੱਡੀ ਖਿਡਾਰੀ, ਹੋਈ ਦਰਦਨਾਕ ਮੌਤ
August 17, 2022
![](http://mehakewattan.com/wp-content/uploads/2022/08/2022_8image_12_43_373931355kabaddi-ll.jpg)
ਚੇਨਈ: ਤਾਮਿਲਨਾਡੂ ਦੇ ਤਿਰੂਵੰਨਾਮਲਾਈ ਜ਼ਿਲ੍ਹੇ ਦੇ ਇੱਕ 31 ਸਾਲਾ ਕਬੱਡੀ ਖਿਡਾਰੀ ਵਿਨੋਥ ਕੁਮਾਰ 8 ਅਗਸਤ ਨੂੰ ਇੱਕ ਮੰਦਰ ਮੇਲੇ ਦੌਰਾਨ ਆਪਣੀ ਕਲਾਬਾਜ਼ੀ ਦਾ ਪ੍ਰਦਰਸ਼ਨ ਕਰ ਰਹੇ ਸਨ, ਪਰ ਕਲਾਬਾਜ਼ੀ ਕਰਦੇ ਸਮੇਂ ਉਨ੍ਹਾਂ ਦੀ ਗਰਦਨ ‘ਤੇ ਸੱਟ ਲੱਗ ਗਈ ਅਤੇ ਉਹ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਏ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਅਰਾਨੀ ਤਾਲੁਕ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਜਦੋਂ ਉੱਥੇ ਉਨ੍ਹਾਂ ਦੀ ਹਾਲਤ ਵਿਗੜ ਗਈ ਤਾਂ ਉਨ੍ਹਾਂ ਨੂੰ ਵੇਲੋਰ ਮੈਡੀਕਲ ਕਾਲਜ ਹਸਪਤਾਲ ਅਤੇ ਬਾਅਦ ਵਿੱਚ ਚੇਨਈ ਦੇ ਸਰਕਾਰੀ ਹਸਪਤਾਲ ਵਿੱਚ ਲਿਜਾਇਆ ਗਿਆ। 15 ਅਗਸਤ ਦੀ ਰਾਤ ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ।
ਚੇਨਈ ਦੇ ਇੱਕ ਪ੍ਰਾਈਵੇਟ ਮੈਡੀਕਲ ਕਾਲਜ ਹਸਪਤਾਲ ਦੇ ਜਨਰਲ ਫਿਜ਼ੀਸ਼ੀਅਨ ਡਾ: ਸ਼ਨਮੁਗਸੁੰਦਰਮ ਨੇ ਮੁਤਾਬਕ, ਕਲਾਬਾਜ਼ੀ ਦੌਰਾਨ ਹੋਏ ਹਾਦਸੇ ਵਿੱਚ ਉਹ ਜ਼ਖ਼ਮੀ ਹੋ ਗਏ ਸਨ, ਜਿਸ ਕਾਰਨ ਉਨ੍ਹਾਂ ਦੇ ਸਰਵਾਈਕਲ ਸਪਾਈਨ ਵਿਚ ਡੁੰਘੀ ਸੱਟ ਲੱਗ ਗਈ ਸੀ। ਵਿਨੋਥ ਕੁਮਾਰ ਆਪਣੇ ਪਿੱਛੇ ਪਤਨੀ ਸ਼ਿਵਗਾਮੀ ਅਤੇ 2 ਪੁੱਤਰ ਛੱਡ ਗਏ ਹਨ।