ਉੱਤਰੀ ਅਮਰੀਕਾ ਦੇ ਸਭ ਤੋਂ ਵੱਡੇ ਹਿੰਦੂ ਮੰਦਰ Gateway Tower ਦਾ ਉਦਘਾਟਨ
![](http://mehakewattan.com/wp-content/uploads/2022/10/2022_10image_17_39_288521111temple-ll.jpg)
ਨਿਊਯਾਰਕ : ਅਮਰੀਕਾ ਦੇ ਉੱਤਰੀ ਕੈਰੋਲੀਨਾ ‘ਚ ਇਸ ਸਾਲ ਦੀਵਾਲੀ ਦਾ ਤਿਉਹਾਰ ਹਿੰਦੂ ਭਾਈਚਾਰੇ ਲਈ ਖ਼ਾਸ ਰਿਹਾ। ਕੇਰੀ ‘ਚ ਸ਼੍ਰੀ ਵੈਂਕਟੇਸ਼ਵਰ ਮੰਦਿਰ ਦੇ ਇੱਕ ਨਵੇਂ 87 ਫੁੱਟ ਟਾਵਰ ਦਾ ਉਦਘਾਟਨ ਕੀਤਾ ਗਿਆ, ਜਿਸ ਨਾਲ ਅਮਰੀਕੀ ਹਿੰਦੂਆਂ ‘ਚ ਦੀਵਾਲੀ ਦੀ ਖੁਸ਼ੀ ‘ਚ ਵਾਧਾ ਹੋਇਆ। ਨੌਰਥ ਕੈਰੋਲੀਨਾ ਦੇ ਗਵਰਨਰ ਰਾਏ ਕੂਪਰ ਨੇ ਸੈਂਕੜੇ ਸ਼ਰਧਾਲੂਆਂ ਦੀ ਮੌਜੂਦਗੀ ‘ਚ ਇਸ ਦਾ ਉਦਘਾਟਨ ਕੀਤਾ। ਟਾਵਰ ਦੇ ਉਦਘਾਟਨ ਤੋਂ ਬਾਅਦ ਹਿੰਦੂਆਂ ‘ਚ ਖੁਸ਼ੀ ਦੀ ਲਹਿਰ ਹੈ।
‘ਏਕਤਾ ਤੇ ਖੁਸ਼ਹਾਲੀ ਦਾ ਟਾਵਰ’ ਦਿੱਤਾ ਗਿਆ ਨਾਂ
ਇਸ ਗੇਟਵੇ ਟਾਵਰ ਨੂੰ ‘ਏਕਤਾ ਅਤੇ ਖੁਸ਼ਹਾਲੀ ਦੇ ਟਾਵਰ’ ਦਾ ਨਾਂ ਦਿੱਤਾ ਗਿਆ ਹੈ। ਸ਼੍ਰੀ ਵੈਂਕਟੇਸ਼ਵਰ ਮੰਦਰ ਨੂੰ ਉੱਤਰੀ ਅਮਰੀਕਾ ਦਾ ਸਭ ਤੋਂ ਵੱਡਾ ਹਿੰਦੂ ਮੰਦਰ ਮੰਨਿਆ ਜਾਂਦਾ ਹੈ। ਗਵਰਨਰ ਕੂਪਰ ਨੇ ਕਿਹਾ, ‘ਮੁਸੀਬਤ ਦੇ ਸਮੇਂ ‘ਚ ਕਿੰਨਾ ਸ਼ਾਨਦਾਰ ਦਿਨ ਹੈ।
ਟਾਵਰ ਨੂੰ ਸਾਲ 2019 ‘ਚ ਦਿੱਤੀ ਗਈ ਸੀ ਮਨਜ਼ੂਰੀ
ਮੰਦਿਰ ਬੋਰਡ ਆਫ਼ ਟਰੱਸਟੀਜ਼ ਦੇ ਜਨਰਲ ਸਕੱਤਰ ਲਕਸ਼ਮੀਨਾਰਾਇਣ ਸ੍ਰੀਨਿਵਾਸਨ ਨੇ ਕਿਹਾ ਕਿ ਟਾਵਰ ਲਈ ਮਨਜ਼ੂਰੀ 2019 ‘ਚ ਦਿੱਤੀ ਗਈ ਸੀ ਅਤੇ ਨਿਰਮਾਣ ਅਪ੍ਰੈਲ 2020 ‘ਚ ਸ਼ੁਰੂ ਹੋਇਆ ਸੀ। ਸ਼੍ਰੀ ਵੈਂਕਟੇਸ਼ਵਰ ਮੰਦਰ 1988 ‘ਚ ਉੱਤਰੀ ਕੈਰੋਲੀਨਾ ਦੇ ਤਿਕੋਣ ਖੇਤਰ ‘ਚ ਰਹਿਣ ਵਾਲੇ ਭਾਰਤੀਆਂ ਦੀ ਵਧਦੀ ਮੰਗ ਦੇ ਬਾਅਦ ਹੋਂਦ ‘ਚ ਆਇਆ, ਜੋ ਇੱਥੇ ਦੱਖਣੀ ਭਾਰਤੀ ਮੰਦਰਾਂ ਦੀ ਸ਼ਾਨਦਾਰ ਅਤੇ ਬਾਰੀਕ ਵਿਸਤ੍ਰਿਤ ਕਲਾਕਾਰੀ ਨੂੰ ਦੁਬਾਰਾ ਪੇਸ਼ ਕਰਨਾ ਚਾਹੁੰਦੇ ਸਨ। ਮੰਦਿਰ ਨੂੰ ਆਂਧਰਾ ਪ੍ਰਦੇਸ਼ ਦੇ ਤਿਰੂਪਤੀ ਵਿਖੇ ਪ੍ਰਸਿੱਧ ਸ਼੍ਰੀ ਵੈਂਕਟੇਸ਼ਵਰ ਮੰਦਿਰ ਦਾ ਮਾਡਲ ਬਣਾਇਆ ਗਿਆ ਹੈ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)
‘ਮੀਨਾਰ ਰੱਬ ਦੇ ਪੈਰਾਂ ਦਾ ਪ੍ਰਤੀਕ ਹੈ’
ਮੰਦਰ ਦੇ ਪ੍ਰਧਾਨ ਡਾ. ਰਾਜ ਠੋਟਕੁਰਾ ਨੇ ਕਿਹਾ ਕਿ ਬੁਰਜ ਪ੍ਰਭੂ ਦੇ ਚਰਨਾਂ ਦਾ ਪ੍ਰਤੀਕ ਹੈ। ਜਦੋਂ ਸ਼ਰਧਾਲੂ ਆਉਂਦੇ ਹਨ ਤਾਂ ਉਹ ਰਾਜਾ ਗੋਪੁਰਮ ‘ਚ ਆਉਣ ਤੋਂ ਪਹਿਲਾਂ ਪ੍ਰਭੂ ਦੇ ਚਰਨਾਂ ‘ਚ ਮੱਥਾ ਟੇਕਦੇ ਹਨ ਅਤੇ ਜਦੋਂ ਉਹ ਮੰਦਰ ਜਾਂਦੇ ਹਨ ਤਾਂ ਉਹ ਆਪਣੀਆਂ ਸਾਰੀਆਂ ਚਿੰਤਾਵਾਂ ਪਿੱਛੇ ਛੱਡ ਜਾਂਦੇ ਹਨ। ਸਾਲ 2021 ਦੀ ਮਰਦਮਸ਼ੁਮਾਰੀ ਅਨੁਸਾਰ, ਵੇਕ ਕਾਉਂਟੀ ‘ਚ 51,000 ਤੋਂ ਵੱਧ ਭਾਰਤੀ ਅਮਰੀਕੀ ਰਹਿੰਦੇ ਹਨ। ਕੈਰੀ, ਉੱਤਰੀ ਕੈਰੋਲੀਨਾ ‘ਚ 19,903 ਭਾਰਤੀ-ਅਮਰੀਕੀ ਰਹਿੰਦੇ ਹਨ।